Relthang

Lch Rokhum

Ka theihnghilh hnu ka hrechhuak tlat....

Relthang
21/9/05

Lungthu angin an inbial a,
Hlauh nei angin an hawi ruai thin;
Hmui-beng dawhin an phunsep a,
Hmanhmawh takin an muangchang thin.

Mak ti takin an lawm hle a,
Phuah tur chi tin an zawn belh thin;
An hlimnaah an buai thlawn a,
Pawh theitu chu an hawisan thin.

Awmze awm lo an tlangzarh a,
Lungawi tumin an bei chiam thin;
Sawtna neiin an ring thin a,
Hlawkpui ve in an in hre thin.

Rengchal hram chuan hrawk a chawm a,
Siamtu ruatin a tlai puar thin;
Anni ve chuan chhuanchham zawnga,
Thinrim khawpin an buai zual thin.