ZOPA RUN SUMTUAL

K.c. Zoherliana

Ka inthlahrung viau na chu. Tuina zawng a ni ve tlat si a. post ve leh tawp ang.

ZOPA RUN SUMTUAL
-KC. Zoherliana.

Zopa sumtual mawi Arbawm hung thliai e,
Zingtianah changsei bawar lo khuang e, 
‘Ti ti ik ik’ tiin lo pau e.

Thlangtlai zamualan lenkawl lo hnim riai, 
Runin sumtual lo bel e vawkpuiin,
‘Nguk nguk’ tiin lo nguk ruai e.

Tapzawl lum chuhin umang thu e zawhte,
Sawmfang zem tlan zuva an hlim ngei e,
‘Ngiau ngiau’ tiin veh then then e.

Hulhliap rawn bele Bawngpuiin Runin hnuai,
Chham ang zal e char lei zaulaiah chuan,
‘Bu..bu’ tiin bu ruah ruah e.

Choui leng ten naunawn ek chang khiau e,
An chhunrawlah chunnun lo hlan e,
‘Bauh..bauh’ tiin keipui sa hauh e.

Sawngkapui lerah hawi lur e kelpui,
A chun tawnglo hraichawi kelte chuan, 
‘Be..be’tiin a chun zawng ruai e.

Murva ten sianglawi nan Ditip bel e, 
An bu laizawlah uai diar diar e,
‘Kiu..kiu’tiin an leng der der e.

Zopa runin a lo hlu chuang ngei mai,
Chungleng leh hnuai sa then zar ten, 
Hnangfak nan leh chennan an bel e.

Rhyme. (aaa, bca)