Tlaikhua a ngui lenkawl a hnim leh ta

‎(Thiam tawk leh phak tawkin kan han bei ve a, Shakespeare’s Sonnet rim chu a nam turah ka ngai ve ngawt! Iambic pentameter etc. ka hriat phak ang chhun chhun chu ka han zawm ve a. DING-DONG DING-DONG DING-DONG te pawh phuah lai chuan rilru-ah chuan a awm ve ngei mai a. hehe... Mahse Mizo Tawngah chuan a har phian mai. A dik lo lai leh hla thu hrim hrim pawh chheh dik loh ka nei a nih chuan min hrilh turin ka'n ngen ngawt teh ang che u; hmasawn nan)

Tlaikhua a ngui lenkawl a hnim leh ta
Zan lal fanu meuh pawn vul zai relin
Thangvan sangah si-ar an zam ang a

Mahte’n laikhum ka bel leh dawn asin

Thangril zanmu chhinga’n ka mawi si lo
Zankhua hrui ang a sei leh dawn mang e
Rualhlui sakhmel hai ang tar ni awm lo
Khawia’n tuanzai rel maw rualduh zawngte

Thlawkin len thiam ila thangvan sangah
Zamual liam hnu dar ang tawng lo mah i
Huiva ianga kaiin sang thing lerah
Kian zai a rel mahna nunhlui ngaih hi

Chuai ni awm thei si lo rualhlui sakhmel
Tawn leh ka nuam mang e pialralah tal

by Angaiha Chhangte