THENNA

THENNA  By Elti Muana

Kawplai di samang then na'n maw
Chung turani i lo her le?
Chinlai leng hmai eng zah zo loin,

Then na'n tawn zai kan rel a;
Thinlai lunglaiin a dawng zo lo e hmangaihna,
Dawn lungruk ankain ka hril seng lo.

Vai virmep leh meihlumin din zai an rel lo,
Chawn-ban vaiin ka di a liam a;
Aw...lamtluang! nuarin ka di kaltluang kham rawh,
Darang tawnga hlimte'n kan len dun leh na'n.

Ngaihlai di a her liam a,
Chhingmitthlain tawn loh vangkhua ka chuan,
In vangkhaw tual mawia i leng tur chu,
Engtin hringnun hmang zel ang che maw?
Ariang min dawn ve ni awm ang maw?

Kei zawng hring dam chhung hian ka nghilh tawh lo'ng che,
Hun leh hmun phuarna hnuaiah
Nghilh loh ngihhruina chu-
Sul hmunhlui leh ka tana i inpekna.

25.10.2005