Tawnmang Lungdi

Tawnmang Lungdi By LC Renthlei

Zantiang tawnmang mawla’n chhai’di ka tawng
Kumtluang hmangaih biahthu inhlan dunin,
Lenrual zinga’n \henlohna-par kan zawng;

Senlai nau ianga hlimte’n nui dunin.

Mahse hai ang \hangin mahte’n ka zal
Thinlai a hnim suihlung a leng mang e;
Ar ang ka vai e rianghluan rairah val,
Awmkhua a har suihlung a leng em e.

Zankhua hrui ang sei se lungdi tawnna’n
Mahse chhaktiang kawla’n turni her chhuak;
Hlim zai ka vawr thei nem chhai’di lo chuan,
|uan zai ka rel thei nem, lunglai a ruak.

Romei chhum iang ral mai lo se ka di,
A tak chang se ka ti tawnmang lungdi!