TAWN TIRH LUNG DI

TAWN TIRH LUNG DI      By Elti Muana

Khamrang kara senhri par i iang e
Thliah che ka nuam, mahse ka zuam si lo
Nang iang par tin thang dang ka tawng ngai lo

Thil siam zingah i mawi, i mawi chuang e.
I vul lai ni thlang kawlah liam lo se
I mawinain a riang lunglai a cho
Thu di hlan che ka nuam, a rem si lo
Siamtu ropuina'n tal vul zel ang che.

Ka ring phak ngai lo tawn tirh hmangaihna
Tunah ka tawnah a lo thleng ta si
Thinlai lunglai a buai, dawn thiam a har
Zaia ka chawi lai lungril hmangaihna
Eng tin lo ngai ang che maw, ka lung di?
Tawn tirh lung di, i zun ngaih tawrh a har.

Hmanah, kum riat (8) vel liam tawhah khan he hla tling lo hla hi ka lo phuah sil reng mai hi a lo ni a. A lan ang hian thu ulh rim rem rem khawm satliah mai a ni a. Ka zahpui angreng viau na a ka rawn post ta tho mai. Eng hla phuah dan emaw dung zui ru deuha rem a nih avang leh a thu hi a ulh em avang hian he hla hi a thuin min chenchilh em avanga phuah lam aiin, a tuma tum ren run chunga ka phuah anih ka ring e, a hunlai hian. A awihawm lem loh pawh a ni maithei a, mahse a hunlai hi ka hre chiang fak tawh der lo nia!