A HER LIAM TA

K.c. Zoherliana

Zak chung chungin ka han inphawrh ve tawp...Rual u zawkte hmaizah a na khawp mai. 

A HER LIAM TA
-KC.Zoherliana

Lenkawla'n turni a lo kaia.
Phurhlan siamin kal an rel ta maw, mi thawng ngei e.
Chutin Zawlpuan ang biahthu thlun dar an khawng ri e.
Khuatin sumtuala'n an ngirin an lawi.

Siar eng riai hnuaia'n kan tiam a.
'I tan chauh' tia kumtluang then loh biahthu di.
Tang beia min hlan zawngte enga'n i sut tak le?
Ka tuara'n vanpui chim, aw, a na ngei.

Chawnbanah kaiin a her liam ta.
A saw tlangkhumin a di run a lum ta si.
Sawngka leran chuan ila tlangtin a zing riai e.
Ka di, khuandimin mi liam san ta si.

Khartung sawnin chhingmit ka lena.
Zaleng rual zawngten hrang lu an lawm ta em ni?
hria se valrianga chan min tuarpui ve ngei ang.
Lengin tiamthu di suta min fer hi.

Beiseina beidawng a chang zo ta
Lalrimenthang khawia'n tuan che maw aw, ka di.
Berhvate iangin va chuan ila khuatin hi e.
Nghilh che ka ring nem maw, fam lo ngaih hi.

Vangkhua a zau lua, a chul zo ta.
Zalengin chen e lungdi nen dar ang len lai.
An ianga tuan lai thamral lo tangah mi zem e.
Zunfeiin min chhun lairil min fan si.

Khuarei paw'n min han nghilh bik lo la.
A na e ka chan mitthlaan i cham Lenmawi.
Ka phurh zoh loh di, nang enga'n ka lo tawn che?
Zunleng ngaih puan ang bang ve tak ang i.