KA NGHAKHLEL
He kan khualzinna ram hi zawng,
Hmangaih lungduhte thenna ram a ni;
Mittuiten hul zai rellovin,
Thlunglu a kun leh thin lungnguiin.
Lei hringnun zawng tahna a tam,
Lungngaih mangan rumnaten min hualin;
Hlimnaten mual an liam thin a,
Vanah kan mitttui a hul tawh ang.
Thlen ka nghakhlel thenlohna ram,
Chu rammawi Angelte lenna ram chu;
Chutah hmangaih kaltate nen,
Ban vuanin Lalpa kan fak tawh ang.
Lalpa hmangaih thlazar hnuaiah,
Muangten ka thla a ngam ve tawh ang a;
Ka lawm a kim ve ang vanah,
Lei nun kalsan aw ka nghakhlel e.
Lei hringnun zawng tahna a tam,
Lungngaih mangan rumnaten min hualin;
Hlimnaten mual an liam thin a,
Vanah kan mitttui a hul tawh ang.
Thlen ka nghakhlel thenlohna ram,
Chu rammawi Angelte lenna ram chu;
Chutah hmangaih kaltate nen,
Ban vuanin Lalpa kan fak tawh ang.
Lalpa hmangaih thlazar hnuaiah,
Muangten ka thla a ngam ve tawh ang a;
Ka lawm a kim ve ang vanah,
Lei nun kalsan aw ka nghakhlel e.
No comments:
Post a Comment