KA LA NGAI RENG CHE ASIN!

KA LA NGAI RENG CHE ASIN!
By Terami Fanai

Hun tam a her hnu paw'n,
Kan nunhlui leh hlimlaini;

Dawn chang ni hian, Bawihte,
Ka la ngai reng che asin.

Awmkhawhar chang niin,
Thinlai ril i fan zo thin,
Lunglam vai ruai ruaiin,
Ka la ngai reng che asin.

Beidawnga ka kunin,
Ka tan i hlutna zawng kha;
Thinlaiah a thar a,
Ka la ngai reng che asin.

Hlim ni a herchhuahin,
Ka hlimna i nih thin kha;
Ka nghilh ngai reng reng lo,
Ka la ngai reng che asin.

Engkim hian kan nunhlui,
Lairilah a din thar a;
Ka hmangaih che vangin,
Ka la ngai reng che asin.

Kan nun par ang vulin,
Chuailo par iang se tia;
Duh thu leng sam chungin,
Nghilh zawng i har dawn mang e.