IRENE I ZUN PHURA

IRENE I ZUN PHURA By Kima Kka

I zun chhemdam thli iang a lengvel e;
Riangval lungmawl a phuarvel tang laia’n,
Engdang dawn zai reng a rel thei lo e;

Nauang chawiin pawm la i tang laia’n.

Engtin i ngai hian a ring lo a zun,
I dawn ve ngai nem maw laikhum zal hian;
Zaleng dang run ai kai a nuam in run,
Uangpui chang mai lo ten i zun leng hian.

Nauang nui dun turin val lo chhawn la,
Phang lo ten in run sang a lo kai nan,
Hlimten val lawmna tur zunin phuar la;
Uangpui a chang ngei ang zaleng zing an.

Rauthla iang thamral phal lo i zun leng,
Aiang a sam vul tir la, Khuanu leng.