HREP TAK HIAN(nenative mind)

HREP TAK HIAN(nenative mind)  Peka Chhakchhuak

Kumsul lam ang a her, a kal zel a,
A then rihsang mualah, an liam zel a.
Mittui a luang, thlantui a far,

Trahna a tam, hlimna a fam.
Sualna a pung, zahna a kiam,
Dikna a dal, mawina kan zawng.
Rethei kan pung, hausa kan puar,
Mi fing an tam, lungngaih a hluar.
Mi thiam an pung, neih bak bak in,
Hei hi maw....Hringnun khawvel?.
Damlai thlanthim a nih ngawt hi,
Thimin lei a tuam a, khawnge ên-na?
Engin min hliahkhuh a, vahvaihna mai.
Eng kan zawnga, thim lam panin,
Dikna duhin, dik nih kan hlau.
Thatna kan zawng, hmuh tum lovin,
Hlimna zawngin, tahna kan dawng.
Hauhsak duhin, hma kan sial a,
Retheih hlauin, kan rethei si.
Mi kan awt-a, neih tum lovin,
Kan dâwn a tawi, kan nun a tawi.

HREP TAK HIAN.