Saw hmar-thlangah duhleng thlang in,

Ruala Cvl

Saw hmar-thlangah duhleng thlang in,
A her liam ta, tawn leh min tiam in.
Damtak in tiin, thlahna ban kan vai a,
Lawmpuina thil pek nen ka thlah liam a,
Ka ngai ruai ruai mang e.

Chelh theih hian mawi i la,
Chawnban vuan in kal lai ka kham tur.
Ka theih tawk a tan tling se,
Kan vangkhuah, kan runah ngei,
Partei khiangawi lawmpuina ruai,
Rualduh ten min kilpui tur..

REM TAK ANG MAW AW?!

TC Lalrem Siama

REM TAK ANG MAW AW?!

Ka suihlung muvate ang a leng diai diai
Kai ka nuam i lawina Zopui in run sang lii liai;
Min lo hawi ang che maw khartung sawn dim ila.

In dawhtling leh laichhuat a zau lai mawiin,
Zankhua a tlai paw'n lenlai chu am dunin,
Sial ang riah zai pawh rel hial mai ila;
I chun leh zua chhimthlang thlipui hrang ang maw,
Thu tin di kan tiam rem tak ang maw aw?!

THIHNA PAW'N MIN THEN LO'NG

TC Lalrem Siama

Sunday Special :
THIHNA PAW'N MIN THEN LO'NG

I
Ka bawhchhiatna tlem mah se ka tuar tlem ngei,

Isua’n a tuar tam zawk ka sual phurin;
Kahreawmna leh phurrit min chhawk zang thei,
Bawlhhlawh leh hnawmhnawk pawh min thian fai thin.

I talhtum nen min thungrulh chuan aw Lalpa,
Ka ding zo lo’ng, min pui rawh Misual Thianpa.

II
Midang sawichhiat leh hmuhsitin ka awm thin,
Nang chuan ka vahvaihsan che hi phal suh;
I chhandam hlimnain min thuam la’ngin,
Kraws daihlim hnuaiah muangin ka chawl duh.

Khawvel mawina aiin kraws thuam a mawi zawk,
Khawizu leh khawithlar aiin a thlum zawk bawk.

III
Hmelma avangin ka kawng a kawi thin a,
Keima tha chauh zawng a tawk zo lo ve;
Aw Thlarau Thianghlim, ka thahrui tichak la,
Ka thlarau pawh famkimin thuam ang che.

Nangin min kai la, tichuan ka bo lovang,
Thinna paw'n min then lo'ng, nangma'n min vuan la'ng!

Date 25.3.2012; 13hrs

THALVAEKCHAR

Rohlu Zuala Renthlei

THALVAEKCHAR

1. Kumsul lam ang a lo her a,
Sik khaw vawt zawng chu lo chuaiin, 
Chappui emtu chung tur nipui a lo thaw a,

Thal khua kan thleng zaleng zawngte’n.

2. Sahmul puan chu sirah hnawlin,
Thuam pan belin laitual kan leng,
Tuahpui leh vau, tlang bawm romei an mawi ngei e.
Di zun ngaih zawng a zual thung si.


An chawi che maw i sakhminga’n ‘Thalvaekchar’.
Dik thei changa’n Sirva ek zawng char ngei mahse,
I her chhuah pui, thil hlu leh mawi tinreng te hian, 
A chiantir ber siamtu khutchhuak ropui zia hi.

3. Siahthing zarah lelthang a kiu,
Sirva te paw’n Di tang belin,
Riahbuk an sual, thingtin zarah an hlim ngei e,
Chhuan thar hrin tum an hmanhlel e.


4. Khur tui a kang, hringmi buai nan,
Lanu valrualte tan erawh,
Malsawm a chang, di tang belh leh chhai thar tawn nan,
Thal tui kang nghak an hlim ngei e.

Hunte a liam a,

C Van Hmingtea

Hunte a liam a,
Liam lo sela chuanin, 
Kan upa thei lo ang a,
A tha phian awm mang e...

LAL BER ISUAN MIN TLAN

Tluanga Chawngthu

LAL BER ISUAN MIN TLAN

Pathian buatsaih vanram nuama lengte’n,
Hringfa sualna an hmuhin an nguai e;
Vanram tello hremhmunah ramhuaite’n,

Duh lo chung an hruai thlir an ngam lo ve. 

Chutin hringfa sual ata chhandam nan,
Lal Isuan khawvel thim a rawn en a;
Bethlehem daiah hringmi iang pian nan.
Hmun tlawm berah nun bul a rawn \an ta.

Pathian fapa a nihna chuan hruaiin,
Zirtir neiin thu an hril hmuntinah;
Damlo tidama mitthi kai thovin,
Chanchin\ha meichher a alh, ramtinah.

Khawvel chhandam nan kros-ah nun a hlan,
Halleluiah! Lal ber Isuan min tlan.
(December 21,2003)

NIPUI HUN NUAM

Rohlu Zuala Renthlei

NIPUI HUN NUAM

Sik khawvawt hnuai meilum bel leh ni lum ngai te'n,
Kan nghah Nipui hun mawi duhawm a lo thleng ta,
Thingtin zar te'n hnahnem thar mawi an rawn chhuah a,

Fartuah leh Vau lo parvul te’n awmhar lunglen an zualkai e,
Hramthiam Sirva lengza zawng te'n mawina chhuahin,
Thing tin zarah Di chhai relin an chiar nghiang e,

Nipui hun nuam awitu Lelthang a kiu mawi e,
Awmhar Valriang suihlung hi maw a len zual e,
Tlangtin chuanin hawi vel ila a mawi zual ngei,
Tlangbawm Romei zam pawl ri riai a tham vel si,
Hei tluk Tlang mawi, Romei zamin a phan diar hi,
Awm hian kei zawng ka ring si lo khuavel zauvah,

Hringmi lunglian, chinlem nei lo lenlai chen te’n,
Sel tawh lul su Nipui hun mawi nuam leh duhawm,
Lengi hmaia mawitin bel chu thlantui hrang chuan,
Bual thin mahse a tleng zo lo a thatna leh mawina zawng te,
Turnipui sa hnuaia Lengi nuimawi leh biang tai tek hian,
A chiantirin a fiah zo ber Lengi mawina, thatna tak chu.

Hringnun khawvel hiii...

Rosangkima Buansing

Hringnun khawvel hiii...

Khua a lum tual tual,
Mut a har zia leh,
Thawh har si zia hi.

Online kan tam tual tual,
Taimak har zia leh,
Net muan si zia hi.

Mahni intodelh kan tlem tual tual,
Thawh hreh nei tlem zia leh,
Chawm hlawm tam si zia hi.

Kuttlinga sum lalut an tlemtual tual,
Sum insemzai lohzia leh,
Rethei tam si zia hi.

Mi fel kan tlem tual tual,
Pathian thu awih tlem tawh zia leh,
Vanram kai inring tam si zia hi.

Pathian thu hril an pung tual tual,
Misual pun chak zia leh,
Zawlneider tam si zia hi.

Dan a khauh tual tual,
Mi hausa te tan a nep zia leh,
Mi retheite chep si zia hi.

Hringnun a buai tual tual,
Mihring pun chak zia leh,
Khawvel a chhiat tawh si zia hi.

KHAWVEL A TAWP TOH DONNIANG A...

N G A I H L U N G L E N

TC Lalrem Siama

Pentastich/Quintet
N G A I H L U N G L E N

I
Suihlung mu a tho hi em lo ni le?

Uai hning hniang hi maw NGAIH LUNGLEN?
Tuar har ka ti hril ka thiam lo ve;
Tah hluan a awl mai awm e a iang saisen,
Hnem za ila, aw…, ngaih suihlung rualpui zawng nen.

II
Pan leh rawl lai, lenlai nil eh vanglai,
Chun leh zua, hai ang tar thlengin,
Ngaih ban zai kan rel lo’ng kan hlim lai,
Kan nun chul hnu kha khuarei a chang si thin,
Nghilh har tiin, aw…, ngaih a zual zel dawn a sin.

III
Chun leh zua, pi leh pu, chinlai unau,
Hraileng leh tuahrempui, lenrual
Ngaia lunglen vaihna khua a zau;
Lungrual tea kan lenna laitual,
Fan chang niin, aw…, puan ang thinlai a thar zual.

IV
An hril bang lo dam lai lusun mai pawh,
Fam ngaih tuar nem thei che maw aw?
Kal ta zawng te kha dawn kir rawh;
Fa fang la zalna run famrolung mual saw,
Hmangaih lungduh, aw…, pialleiah kan then thin maw!

V
NGAIH LUNGLEN a na hi a nem dam diai,
Hmanlai chang hnu tangah a zam,
Ka dawn khawl hian thinlai a zing riai;
Kan nun chuai ta zawng pawh lairila’n a cham,
Fam si lo hian, aw…, lunglohtui dawn ka lo nuam!

HLIMNA. . .

Rosangkima Buansing

HLIMNA. . .

Hringfa zaleng zawng zingah,
Hlim leh lawmna zawng lo an awm nem maw,
Hlimna zawngin kan tlan ruih ruih,

Hlimna tak tawng engzat tak awm maw.

Hringfa zalengzawng zingah,
Hlimna awmzia tu'n hrechiang tak mw,
Hlimna kawng thuampuiahkan in sul pel zut zut,
Hlimna tu pa fa in tawng bik ang maw.

Hringmi zaleng zawng zingah,
Hlimna awmzia hrelo engzat tak awm maw,
Hlimna hmuh beiseiin kan tlan dual dual,
Hlimna tawn ni awm tak maw.

Hringfa zaleng zawng zingah,
Hlimna hi sum lo ni e tu'n lo ti ang maw,
Hlimna beiseiin sum kan zawng luai luai,
Hlimna sum ngah vanga tawng awm tak maw.

Hringfa zaleng zawng zingah,
Hlimna Pathian ta tih tu'n hre tak maw,
Hlimna zawngin kan kun dual dual,
Hlimna tak tak Pathian hnen atang engzat takin hlawh chhuak ang maw

TIRAW?

Tluanga Chawngthu

TIRAW?

I tel lova ka khawhar thin loh paw'n,
Ka tel lova kim lo i ni tiraw?
I zun, ka thinlung thlenga a zam loh paw'n,

Ka zun hian a phuar vel che tiraw?
Ka thinrimna meipui a alh hluah hluah paw'n,
Annemin lungawina min zawnsak thin tiraw?
Zaleng tam heltu zawng ai paw'n,
Kei chauh min thlang tiraw?
Nang hi ka hmangaih awmchhun i nih loh paw'n,
Ka tana khuanu ruat chu i lo ni tiraw?

ZOTLANG KAN RAM

Lalzawmsanga Khiangte

A reh em mai, i han zai veng veng mai teh ang aw... Vairampur a kan awmlai chuan kan lung te hi mahni tawk te teah kan tileng ve thei veng veng thin khawp mai. Tute emaw tih danah kan ram riangte hi kan thlahlelin kan ngai ve thei em em a ni.

ZOTLANG KAN RAM

Sikni eng leh thal bawm romei

Fur khawthiang leh favang lenkawl,
Chhawrthla eng leh zokhaw thiang nuam
Zotlang kan ram bawm a lo ni.

Tuahpui leh vau, thal chawi hnahnem
Senhri nauban siahthing zar mawi,
Sumtual mawi rimenhawi zozam
Zotlang kan ram bawm a lo ni.

Khuavang sumtual zau rangkham sang
Zotlang sang siktuithiang murna,
Sirva laitual lentu cham riai
Zotlang kan ram bawm a lo ni.

Ruamkawr zawh siktuithiang nui her
Damthlifim leng leh hnahnem chhawl
Zai lo sa, nungcha leng zawng nen,
Zotlang kan ram bawm a lo ni.

Zoram, kan pianna ngei i ni,
Kan thinlungah I lian ber e,
Kan thla lenna ngei I lo ni
Zoram, kan ngai bang thei lo che.

Mizoram a nuam lo ti ti chu an daw duai

LIAM HNU

Lalzawmsanga Khiangte

Ui hauh loin i tlangzarh pawp pawp mai teh ang, Ramtuk thla ni 19, kum 2000 a ka ziah a ni. Nun hi a chang chuan dinthar leh theih nisela, han tleirawl tha lehin Tumtawk leng han hel leh vel te hi ka chak rum rum thin.

LIAM HNU 

Tuahpui leh vau vulin romei

An lo kai e tlanga’n
Hnahnem-par ten an chim piallei,
Zaiin an awi vaten
Thalni eng lo her chhuak lawmin.

Lui kiang phullengah chuan kalin
Thlifim ten min chhem a,
Rimawi te chu lo tham velin
Nunhlui ka thlir let a,
An lo thar leh dawnrukah hian.

Hmana’n hlimin kan nuiza thin
Lungkham dawn lo rengin,
Tuna’n mahriakte’n sulhnu zawng
Ka chhui, suihlung a leng,
Mahse an kir leh lawng.

Khawiah nge in awm tak ?
Pangpar te vul lehin siahthing
Hnahnem an chawr leh ta,
A tling riai sakruang kan bualna tui thiang !

Aw,ka lal ropui

Rosangkima Buansing

My Good Friday Special

Aw,ka lal ropui,
He khawvelah hian,
Hnawng tur renga'n maw i lo pian,

Hringmi te thinlung hmun chhung chang lo tura'n,
I pamhmai lua e,
Aw,ka lal ropui.

Aw,ka lal riangvai,
I pianhma tuiril i nih lai atangin,
I chang lo maw khualbuk chhung pawh,
I chantawk ran chaw pekna thleng mai maw,
Ka lal chantura'n a neu lua e,
Aw,ka lal riangvai,

Aw,ka lal duhawm,
Hringmite tan i tuar a,
Hringmite tan i thi maw,
Hringmite ngei lo ni e,
Nangmah cheksawlh a,bawlzana diriamtu chu,
Aw,ka lal duhawm.

Aw,ka lal zahawm,
Kan sualah min ngaidam la,
Kan rilrua khakna min paihsakin,
Kan thinlung kawngkhar,
I tan hawng turin min pui hram teh,
Aw,ka lal zahawm.

Aw,ka lal nunnem,
Nun sual zawh lo tura min puiin,
Nun kawng dika min hruaiin,
Nun kawng dik kan zawh theih nan,
Ka ke chheh min vensak ang che,
Aw,ka lal nunnem.

Aw,ka lal ngilnei,
Kan sualah min ngaidamin,
Kan nun min kaihruaiin,
Kan sualte pawmthiamin,
Tisual leh tawh lo turin min tanpui rawh,
Aw,ka lal ngilnei.

KA ISUA KRAWS

TC Lalrem Siama

Good Friday pual post:
KA ISUA KRAWS

Isu, misualte Lal,
An khengbet che Lal,

Thian chhan thih ngam,
Mihuaisen i fam;
Kalvari tlangah,
Thing kraws lerah.

Ka Isua kraws ka chhuang ber hlim takin,
Misual khawngaih tlak loh chhandam turin,
Anchhe dawng thihna kraws makah khan,
I lo tuar maw van Lal Fapa khan;
Misual thianpa, ka tan nun i hlan ta,
I thisenin min tlengfai ta.

Isu, thianghlim tenawm,
Kei vanga tenawm,
A va’n mak em,
A va han hlu em;
Thihna rapthlak ber,
Kraws duhawm ber.

Isu, thil ti thei lo,
Inti dam thei lo,
Mi chak ber i ni,
Hnehtu pawh i ni;
Nunna ka nei ta,
I kraws ka ta.

Isu, ka sual phurtu,
Min ngaidam thintu,
I tan ka nun,
Theihna leh ka hun;
Ka hlan ve duh che,
Kraws ka vuan e.

Tunlai nula ka lo fuih ve tawh thin :

Matluanga Hriangmual Bullet Rider

Tunlai nula ka lo fuih ve tawh thin :
Se se thuro kahlan nang che,
Laikril tello hmangaih biahtu: 
Anka thlum der lemthian Vala'n, 
A hlan che em? Parlaithliah na, 

Tinkim dawn la hunsul liam tur, '
Hnawl leh pawm thu thlir thiam ang che."
Tiin.

N U L A : Se se thuro ka hlan nang che

Matluanga Hriangmual Bullet Rider

N U L A : Se se thuro ka hlan nang che 
Lairil tello hmangaih biahthu,
Anka thlum der lemthiam Vala'n;
A hlan che em parlai thliah nan.
Tinkim dawn la hunsul liam tur,
Hnawl leh pawm thu thlir thiam ang che.

Laikhum belin zan mu ka chhing ta’ng e

Lal Jo-a

Laikhum belin zan mu ka chhing ta’ng e

Silh puan nem te u
In pu hi ka hah avangin min lo tuam r’u aw
Lukham dup tak te u

In lumna pe chhuakin duat takin min lo pawm r’u aw

Aw thosilen duhawm tak te
Ka harh loh nan sehmi lakah min lo hum la
Eng no nalh tak te
Mut ti nuam tawk chiahin i en na pe chhuak la

Zawhte nunnem tak te u
Zahngaiin inngeih takin awm dial dial ula
Aurinna pawimawh tak te u
Khawngaihin zanin chu lo phur lutuk lo ula

Cellphone taima tak te
A pawimawh loh chuan min hrilh lo la
Alarm harhvang tak te
Mut ka kham hma chuan min kaitho lo la

Earphone aw mawi tak te
I rimawi hmangin min awi mu leh rawh le
Ngaihtuahna kal kual chak tak te
Zan a ni tawh a hahchawl ve rawh le

Hlim takin kan inkawm leh dial dial dawn nia

Zingtian bawar zai lo vawr se,

Matluanga Hriangmual Bullet Rider

Zingtian bawar zai lo vawr se,
Hai ang thangin thawh zai rel la.
Tukthuan nghaka laikhum belh zawng,
A mawi love relthang phurhna.

Furkhua chiar hniang leh chung khua lo rum hian.

Khawpuia Thianhlun

Furkhua chiar hniang leh chung khua lo rum hian.
Tinkim ka dawn awmhar hnem an tuanzai rel lo ten.
Tham hnu nunhlui puan ang a thar bil lo.
Kei ka lung min len tu 'theih chang ve se' tih lo ni e...

Zalam a phei duai duai, turni kawl an a liam dawn e.

Khawpuia Thianhlun

Zalam a phei duai duai, turni kawl an a liam dawn e.
Lalngoin damtui a thal, nempuan thiangten lo su e.
Annem ten zai min lo chhawn,ka phur min zawn la tiin.
Rawlthar nunzir suihlung a len e, laitual lenmawiin.

A thal zel e, Lengin a thal zel e dam tui luang dem dem.
Thaltui leh valmawi-annem ten kiam zai an rel silo.
''Chawinau iangte, thal tui iang a thiang kei ka duhaisam'' 
Sakhmel kan lawm,Tlai ni kawl liam tur reng kan dawn mawlh lo.

I HLUI THEI NGAI LO

Tluanga Chawngthu

I HLUI THEI NGAI LO
(Acrostic)

I thinlungah hmun chang tam tawh lovin,
Hrai leh zûa nen rûn mawi tawh mah la e;

Lungril hian kan nunhlui a dâwn kir thin,
Uaia chul tur hnuchhawn a har em e.

I biahthu leh chetzia mitthla chang hian,
Thinlung hian muanna awm lo ram a pan;
Hrilh haia lungmawl vâl inchhirna hian,
Enchimloh di hlui zùn pâr chu a tlãn.

I nunhlui dâwna min hriatchhuah ni chuan,
Nghilh lotu che zùn léng lo hip ve la;
A kianga ngaihhruina tui luangah chuan,
I sakruang bualin min silfai ve la.

Lèntu thing mahin chawrno zai a rel,
O...kan nunhlui thinlaiah a tlangnel.
19-3-12

Thaibawi

Ruala Cvl

Thaibawi

Hmanah kan tiam run hmun a len.
Fam lo chu kan dil khuanu zarah,
Chun leh zua sakhming chawiin

Run kan dan e, thai lawmah.
Lunglawm kim hian mi ring lo maw?

Duhleng kan sam kha kim mahse,
Khuatin mawitu lanu chan laia,
Ka chhai ka thai chang hian,
Kan runah zuapa hi min hlan e,
Sakhmingtlawm " Thaibawi".

thangnunnemi

Ruala Cvl

thangnunnemi

Kumtluang hrui ang sei kan tiam, len dun nan,
Lung her an ka ring ngai lo thangnunnemi;
Tahte hian maw? kan tiamna kawtchhuahah,

Tlangte pawh liam lo hian thenna thu kan sawi maw!

Tuktin par a chuai,kum tluang rinawmna rial ang a ral.

Hlimawmlam chi :

C Van Hmingtea

Hlimawmlam chi :
Rual duhte nen lam kawi zau laiah, 
Tu dang ngai lo te'n ret-sik kan pet za,
A vei lam chawiah va-kuh nen,
Hlimlai par kan tlan e....
(Sikret leh kuhva hi hla thua dah a har zek a, kan thianpa fiamthu milin)

Thu a awm lo,

Lalzawmsanga Khiangte

Thu a awm lo,
Hla a awm lo;
Khuangruah chiar nghiang e,
Dawnruk a zuai riai e !

chuai riai ruai e,chul ri riai e,

Ruala Cvl

chuai riai ruai e,chul ri riai e, 
Kawlkung a liam tur turni saw,
nghilhhnu kei mi iang hian.
thlir ang lung kan rual awm e.

Thar sir siar e, hawi lur lur e,
Kawlkung a chhuak turni saw,
Nghilhnu kei mi dawn lo.
Tahlai min ban e, i thar ve silo.

Aw, chhumdum nunrawng,

Rohlu Zuala Renthlei

Aw, chhumdum nunrawng, 
I dawnpui lovem Valnema suihlung leng hi;
Ka Di mualza kar dan leng nen,
Chhingmit rual te'n kan thlir dun theih chhun,
Chung Chhawrhthla eng mawi khi,

I puan hnuai maw min dawn lo te'n,
chhuah zai rel teh la i puan hnuai lai chu,
Zan lalnu lalram kham zawng reng chuan,
I chhum dum lal lai sawn tawh lo la,
Chutin ka Di nen chhingmit rual te'n,
A eng mawi kan thlir dun leh nan..

KHUANU LENG HRAI CHAWI

Lalzawmsanga Khiangte

KHUANU LENG HRAI CHAWI

Ka teu thin che pangpar mawina nen hian,
I mawiin I duhawm zawk daih si a;
Vangpui vartian kawl nemte’n a eng thin

Nang tawnah chuan an lo chul zo si a;
I sakhmel nui mawi chauh mai pawh, sikni
Thlangtiang tlaitla eng hian a cho zo lo !
Thiangrial a chawilai chhingmit, chhawrthla
Thangvan a kai tir hian akhum zo lo !
Zoluite tui thiang a luang her her e,
Ngaih a nuam zawk thin I nui thang mawi chu;
I kimtlang dar zam, I lunglairil chu
Thuva ‘nem lenthiam khum zo lo ni e !

Sakhmel hmuh loh leh tawn loh ni mah la,

Muana Chhakchhuak

Pega Pachuau nghilh loh nana citation a ziak tur group pakhatah kan thawhkhawm mai mai a. Ngaihtuah chawpa chhut chhuah nghal ka thawh ve hi ka han pho lang ve mai mai ang e post thar a awm lo em mai. Free verse hmangin aw

Sakhmel hmuh loh leh tawn loh ni mah la,
Nang ngaih kan bang thei mawlh lo;
Internet thazam kal tlanga i zawmpui,

Thu tin i sawipui i then leh rualte hian,
Engtikah tak tawng leh che ang maw?

Van lal run kai mah la hring lam hawiin,
Ngaia kan thlir che hi hre ve che maw?
Min dawn lo va thlafam i chang mai hi,
Lungrilah min fan na ngei e.

Van Lal hnenah chuan 'ti hian sawi la,
"Rauthla talin ka zuk uap nang e,
Hlim rualpui u leh nau zawng khu;
Nang nen suihlung an rual ve nan" tiin.

Hringnun lamtluang peng thuam a tam lua a,

C Van Hmingtea

Hringnun lamtluang peng thuam a tam lua a,
Ka zawh thiam lo lunglai ka vai ruai e,
Hruaitu arsi reng awm lovin a thim lua ta,
Beidawnna mai aw, beidawnna mai maw lo ni le....4.5.12 SOS

Suihlung a leng e....

C Van Hmingtea

Suihlung a leng e..........in reh thiap a...
Khawram chul hnu fan iang rengin,
Luaithli erawh ka nul dawn lo,
Lam ang in lo let beiseiin..8.5.2012(12.05am)

SATEL LEM

Elti Muana

Huang a ruak emai, fiamthu hla, a phuahtu ka hriat loh hi ka'n dah mai mai te'ng.

SATEL LEM
1. Run ralah khian leng(leh an awm)2
'Tah chuan ka lungdi ainawni a leng ve e

Chawltui ningzu nen lenrual kimin
Ariang kei min nghilh ta e.

THUNAWN ...
Thiante u (2) dam takin (2)
In zingah ka awm (rei tawh lo'ng)2
Ka tingtang hi thing lerah ka khai ang a
Val lunglengin va tum rawhse.
2. Zoramah hian val kan (len chhung hian)2
Zing tin zu man ba min (rawn thing thin)2
Ka zu man ba ka tlak hma hian
Kawl ram lamah ka pem teh ang.
3. Ka thlan thuk takin (lai ula)2
Lung mawi takin phun (bawk ula)2
Di ngaih vanga fam chhinchhiahna'n
Satel lem han ziak ang che u.
4. Sawlai mikhual dum ren (run pui saw)2
Zirtawp zan khan a (lam an ti)2
Ka lungdi biahzainemi chuan
Mikhual dum chu a ngaihmelh e.

Thangril zan mu an chhiing ta e,

C Van Hmingtea

Thangril zan mu an chhiing ta e,
A mi zaleng lungrual zawngte,
Thinlai lunglai a vai riai a,
Siamtu duan reng sakruang a ngui ta,
Zan rei bawhar lo pauin min thawng e,

Chhingmit a lo ngui riai riai e,
Laikhum thlehnem a lo mawi ta,
A itawm ngei e chham ang zalna.

KA CHUN NUNNEM

TC Lalrem Siama

‎(Nu te Ni Pual):
KA CHUN NUNNEM

Lenrual chhing loin mi tawna’n tlawm mah se,
Hril ka nuam ve e kei ka chun nunnem hi;

Fahrah riangvai khuanu leng chawi lo ni e,
Kumtluang run luma’n ka zua a tawng an ti!
Min hmangaih leh lainatin a khat liam a,
Sin nau kha nichhun zan duat te'n min chawi lianin;
Tlei hnu pawh duat leh zilh min bang lova,
Kei ka tan a ‘zawng zawng’ a hmang thin.

Lairil tuihnang fim far chhuak chu,

C Van Hmingtea

Lairil tuihnang fim far chhuak chu,
Siktui ianga thiang a luang dam diai,
Fiara tui dungthulin hnam tin za leng tan,
A fawn dim e, tuihal rehna.

Lo dawn in lo chhang u aw,
He zan thiang reh lairil biahthu hi.
Lung dam tea zan mu in lo chhin ve nan,
Ka hlan na'ng che u, rualduhte u.

Hei te chauh mai hi ka theih tawk,
Zantiang tawnmang lungmawlah pawh,
Zawllai di i tawng emaw tawng lo emaw,
Hlimten chai ang che tual nuamah. 22.5.2012

Par zawng zinga parhuan mawitu ber chuan

Elti Muana

Huang a reh em mai, a hnawh khahna'n hei te hi ka'n phawrh dek dek chhin teh ang:

Par zawng zinga parhuan mawitu ber chuan
Hling kung chungah par a chhuang a ...

Tlang rel leh sel vangin i phei chheh a bahlah em ni
I dawn a tawi lua lo e rualtin khumna'n
Sel leh rel hlawh lo a hma hlen an awm ngai nem
Hling kung mahin parhuan mawitu par a chhuah theih chuan
Engah nang paw'n hringnun parhuan mawitu par i chhuah theih loh bik ang?

Hmana mual liam hnu Saichawna kha dawn la
Tlangin an sel rawn, biahnem chhawntu a vai
Mahse thawhrimna a hmachhuan a
Hunin, tlangin an awh rawn ni a her chhuahpui kha ...

Tuk hnu lenthing mau-ruaah

Elti Muana

Tuk hnu lenthing mau-ruaah
Hnah thar duahte'n lo chawr thin e ...

Lenrual ban lo sakruang i chawi lo a
Zaleng phak lo thinlung i pu hek lo

Chemhnam tuk hnu lenbuang maurua mahin
Hnah thar duahte'n a chhuah theih chuan
Tlu hnu hringmi engah
I thawh theih loh bik ang?

I ngaihlai dawihlo zunin ai ang a khirh che'm ni?
I zua chawihrai i ni ngai lo'mni?
Tho la, ding ta che
Hringmi kutchhuak dawihlo mahin
Hringmi a keuhthluk theih chuan
Khuanu kutchhuak hringmi meuh chuan
Hringmi kutchhuak dawihlo chu i hneh thei dawn lo em ni!?

(2003/'04 vel a mi kha a nia, ka hre chhuak ta lo tawp mai. Mithiam cho chhuahna'n ka'n ti ve leh teh poh a ni e).

Ka Pu, Luliana.

Lch Rokhum

Hei hi hmanni lawka kan training na hmun ah ka thianpa Lalmama K. nena kan inziak tawm a ni.

Ka Pu, Luliana.

Co-Wrote

Lchrokhum & Lalmama. K
8/5/12

I huaisenna chu i finna in a phak loh a,
I fin chhuahtu finna i chhan zel chuan,
I mawlna chauh i tarlang ang.

I suangtuahna chu a tak emaw i tih a,
A tak chu hre thei tura finna i neih si loh chuan,
I mawlna chauh i tarlang ang.

Mi lawm hlawh chaka i inlan fova,
Mi thawm rik dan i hriatthiam si loh chuan;
I mawlna chauh i tarlang ang.

Dar rik ruala kaihthawh i nih fo a,
I dang tlir nghal zel i tum fo chuan;
Duh tin duh-a, Duh zual zel-a i lo ni ang.

Zantiang tawnmang lungmawl maia'n,

C Van Hmingtea

A tlachawpin ka'n phuah ang e :

Zantiang tawnmang lungmawl maia'n,
Ka tawng di hlui sam ang then hnu,
Zun hlui a zam chiai a sakhmel mawia'n,

Chul hnu nunhlui zamual liam hnu,
Puan ang a thar leh thinlai ruka'n.

Theih se koh kir ka nuam ngei e,
Buan ang kan inpawm lai ni te,
Lawmlai par tlana kan hlimlai ni te,
Nui hiau ram tuan kan rel lai te,
Dan rual loha an liam tak mai le. 24.04.1012. (10:40-10:45)

A LUNGDUM LOH HI

Tluanga Chawngthu

A LUNGDUM LOH HI

Chantawk leh phutawk ka lo hai nem maw,
Zahnate u, mual min liamsan tawh r'u;
Lungngaihnate u, hlimni kawl eng saw

Thlirin thinlaina han hnem ang che u.

Tawnmang ianga thamral leh mai tura'n,
Ka duhaisam hi ka phal thei lo ve;
Rihlipui, thlafam leng an kainaa'n,
Lunglohtui dawtin ngaih ka bang tur che.

Tuar a har ngei e, a lungdum loh hi,
Thlafam chan a dang lo, a zun leng vang;
Beiseina nen tui ang a nem hun hi,
Nghakin laitual ka bel rih zawk mai nang.

Hnung lama thihna thlan khur chu pelin,
A lungdum loh hi zirlai thar niin.
(9th.08.2003)

NANG NGAIH A ZUAL HIAN SIRVA AH CHANG DAWN TA ILA

Khawpuia Thianhlun

NANG NGAIH A ZUAL HIAN SIRVA AH CHANG DAWN TA ILA

Nang ngaih a zual chang hian sirva ah chang dawn ta ila!
Lunglen rem in sirva chitin reng ah chang dawn ta ang ila.
kawl ah ni lo chhuak se Kawlva ah ka chang mai awm e.

Ngambawm leh tuangtuah par vul lai ngei an.

Kumsul mah vei se lunglen a dam awm chuang si lo.
Nem tui lo kam se sikni kawl an a lo her leh anga.
Lailente ah ka chang nange nang ngai luat vang hian.
Ruamtin hrut in Lung tin suang ka zai vawr nan.

Chutin khua fur a lo her se sirva ten an hraichawi thlei zai an rel.
Kei ka suihlunglen thlei ni reng ka nei lo'nge.
Huiva ah chang in zingtiang an rem hnu rimim ka lawr nange.

Kawlhawk mual liam ah ka chang mai nange lunglen nen.
kawl ah liam in leng der der in mual an liam mah ila.
Kumsul vei hian par an lo vul leh awm si a lunglen nen.
Ka lo leng leh nange mual liam hnu nangngaih vang hian.

TU’NGE A THAI TUR CHU

Tluanga Chawngthu

TU’NGE A THAI TUR CHU

T-u’nge a thai tur chu hei zawng zingah,
U-ai an tlem lua e, a tawnah ve hian;
NG-urnun chawi lo rianghluan val runsangah,

E-ngtik’ mo lawm awm maw, a tar hma hian.

A- tan Siamtu kutchhuak chhawrna awm lo,
T-umbu khaileng iangin a khaihil reng;
H-luihlawn nunna nei zingah a bang lo,
A- tan chhawrthla’ eng pawh a mawi thlawn reng.

I-ncheina thar nen inthuam thin mah se,
T-uai ang a thar si lo a sakhmel chu;
Uaiin a zur zel, a pianmawina te,
Rei a nghak thlawn e, runlumpui tur chu.

CH-huihthangvalin fam a chan thleng pawhin,
U-rlawk a awm thei lo, mo lawm turin.
(Dt.25th.April,2006)

HMAN A ZOFA LUNGDUH LENNA VANG KHUA

Zama Khiangte

HMAN A ZOFA LUNGDUH LENNA VANG KHUA
THAWNTHU HLUI MI HRIL CHANG TAWH HNU
LUNGRUAL TE'N (TE IN) CHAWNGCHEN PAR AN LAWMLAI
BAWMZO AI CHHUM HRANGIN ROMEI A CHAN TIR E

TUALLENGA CHOLAI DI LOH LENSIALI
TUAH REM SA KHUANDIM RUNSANG KAI NAN
MAHSE VAN CHUNG CHIM LENGTE NU AN HRUAI E
TUALCHANG BUK DI NGAI A TAHNA AW KHAWNGLUNG RUN

RAM TUAN CHUIH THANGVAL DAI KAWM HRUT VEL IN
A DI THANGHNIANGI A AU VE
SUIHLUNG PHANG E DI ZUN LUNGLEN NA
LAMTLUANG CHHUI MITTUI NEN DI NGAI A KIU VAWNG VAWNG

PHUALLENGA CHOLAI DI LOH LENSIALI
TUAH REM SA KHUANDIM RUNSANG KAI NAN
MAHSE VAN CHUNG CHIM LENGTE NU AN HRUAI E
TUALCHANG BUK DI NGAI A TAHNA AW KHAWNGLUNG RUN

DAN RUAL LOH THANHRANG SIAL IANG CHALBUANGA
LENTU ZO DORAL HRANG KAR AH
HAUHLAISIALI ZAWNG IN A AU E
CHUTIN BUK THLAM AH THLANG HNARTUI LUANG DI TAWNG E

PHALKHENG RAM LOH ZAWH TLUANG CHHUI KIR LEH IN
TIAU LUI HRANG IN THANGHNIANG LEN E
A PAWI E DAMLAI KAWL ENG NGHAK A
FAM ZUN LENG NGAI CHALTUAI DAM LAI KHAWVEL RENG ZAWNG

TUALLENGA CHOLAI DI LOH LENSIALI
TUAH REM SA KHUANDIM RUNSANG KAI NAN
MAHSE VAN CHUNG CHIM LENGTE NU AN HRUAI E

A CHUAI LO ANG

Elti Muana

A CHUAI LO ANG
Khuavel vanglai, sakhmel vullai zawng hi Chuai leh mai tura Khua rel an lo ni.

Chhawrthlapui ar-va chang sakruang a chawi
Vanglai panin a her van zawla khi

Nung tinreng lawma'n a en piallei hi
Arkai a deng, a rangka hmel a mawi
Mahse hun lo her, a vanglai a liam
A rangka sakhmel mawina pawh a kiam.

Chhawrthla iangin Khuanu'n hringmi tan hian
Vanglai, sakhmel parang vullai a siam
Mahse khuareiah vanglaini a liam
Tapin mual kan liam thin pialleiah hian
Chhawrthla eng zun leh nun ropui erawh
Uaiin a chuai ve lo'ng khuareiah pawh.

Beiseina Aw

Lch Rokhum

Beiseina Aw
5/3/03
Thinlung ruakin min hnawhkhat a,
Khat liam thinte ka beisei thin. 
Dinthar tumin, liam hnu chhuiin,

A malte in ka sum hrang a,
Neih let theih nan "KA' ka kam thin,
Beiseina aw ka pehhel a,
Beiseina in chelh ka tum thin.

Thinlung ruakin min hnawhkhat a, 
Itsiknain khua ka fang thin.
Ka tham vel a, thlemna dapin,
Zahawmna suak ka hma theh a;
Hnawl rual lohva neih ka tum thin.
Beiseina aw ka pehhel a,
Beiseina in chelh ka tum thin.

Thinlung ruakin min hnawhkhat a,
Ka sul tum lai thup ka tum thin.
Ka hel vel a, hun sawi lovin,
Zepui thupin ka Um thut a,
Awmhar hnemtu ka zawng ruai thin.
Beiseina aw ka pehhel a,
Beiseina in chelh ka tum thin.

Translation

VOICE OF HOPE

With emtiness my heart is filled,
I long for those who overflow.
Retracing the past, for rebuild I must;
And each and all be isolate,
The 'Mouth' be snare, to repossess.
The voice of hope evaded now,
Retain by hope is what i try.

With emptiness my heart is filled,
With envious mind I roam about.
And searching in vain temtation to find,
I pose with pride an honour false,
And strife to have it unabashed.
The voice of hope evaded now,
Retain by hope is what I try.

With emptiness my heart is filled,
I try to hide what I intend.
I loiter about unthoughtful of time,
Without a stir, I sit like vase,
And try to find a resting arm.
The voice of hope evaded now,
Retain by hope is what I try

KA RAWN FANG LEH KAN VANGKHAWPUI

Ruatfela Khawlhring

A thiam tam tak karah ka rawn ti zuai.. hman deuh a ka pa nen kan zin tuma ka phuah ve mai mai.. Free verse a ni ber ang chu...

KA RAWN FANG LEH KAN VANGKHAWPUI
Vangkhaw lamtluang chhuia lamang a let ni chuan,
Kut vuan tawnin an lo lawm then leh rual te’n zuapa chu; 

Kha chen a then tawh a rualhluite an tawng leh chu, anka in sawi lo mahse,
A chhingmitah ka hmu lunglenna.

Lamang leta an vangkhawpui kan fan ni khan,
Ti hian min hrilh biahthu tlawmte.
‘ Sawmfang hring del ka hmuh chang hian,
Khawpui nun ka awhna a bo thin’ tiin

Kan suihlungleng tuar zolo pafa khan,
Kan fang dun alawm, hmana Di nen an tuanna,
Ti hian hian min fah biahthu thu ril,
‘Khuanu ruat loh chu kan neilo’

Khuangruah a chiar, lunglen kai thova'n,

Terami Fanai

Khuangruah a chiar, lunglen kai thova'n,
Panlai hawktui khuah lai hunte'n,
Zamual liam tawh mah se,
Kei ka thinlaiah puan ang lo thar leh e.:-)

Zo zunzam

Lch Rokhum

Post tur nei chuan post hmiah zel teh ang

Zo zunzam

Thian chhan thih ngam nunau muantu,

Lal khua leh tui ti ralmuang a;
Miral, sa ral, doral zeng pawh,
Tukdawl zova, hnehna hla do;
Meithal lawna chhamchhuak thin a, 
Zo zunzamin a thawi kan ni.

Khua lo sangin sual a puang a,
Zoram muanna thahrui manin;
Doral hma a zam ngai lo kha,
Chauvin tunah tualkhel ralah;
Hneh a tlu in lang mah sela,
Zo zunzam zawng a tho leh dawn.

Ruihhlo tinreng, sualna hrang vel ,
Hnehchhiahna chuan min bei mah se;
Zoval huaisen, tleitir hmeltha,
Zoram thahrui kan chau dawn lo;
Ruihhlo, dawihlo; sualna, buaina,
Zo zunah reng a zam mawlh lo'ng.

Translation

ZO CHARISM

Defying death to safe the weak,
Bringing comfort within the chief's domain;
Sapiens, beasts, foes of all sorts,
But only provide you with more laurels; 
Chanting victory, firing to ignite the night,
Bathed in the spirit of Zo Charism.

The day grows old, and evil mounts,
Arresting the strength of Zoram peace;
That which was once a fearless might,
Now lies aghast on battle ground;
Bashed and battered though it may be,
Zo Charism shall rise again.

Prince of darkness with all his means,
May strike on us with drugs and all;
The brave Zo lads and beautiful lasses,
The strengths of Zoram, shall not be waned;
Poppy, liquor, evil, chaos,
Not a trace found, in Zo Charism.

‎"Fur khaw thiang leh tha khaw romei zam karah,

C Van Hmingtea

‎"Fur khaw thiang leh tha khaw romei zam karah,
Lawmlai di then ten an tiam hnu,
Nghilh loh nan parte i tiam ang,
Chung van rial kawla rum leh hi.

Hun rei lo teah kumtluang nghilh loh par min ban,
Piallei a zau kar lam a hla,
Rauthla sumtual chung van khua ngei,
I tiam ang then lova kan len nan."

(Laltanpuia, Sialsuk. 'Chhingkhual tha lengheri'. Metrical composition leh rhyming lam chu ang ngaihtuah lo na a, hla thu hi a va mawi em!)

NGHAH LAI DI

Zama Khiangte

LALTIVEPHAWNGA..IN VAI A TAN

NGHAH LAI DI

Ka thlir renge lamtlaung chhui in,

Zofa leng reng kan phei khai hi.
Lungmawl vang nge? duai bil chang i,
Ka ngawi, ka van, lungrual pui hi.

Ka vei ka ip nang ngai reng hian,
Tu dang ngai lo te a tual chai na.
Bak awm chuangi khuangrual len lai,
Awm chuang nemaw,kei ka tan hian.

Nghak reng nang e lenrual duh te,
Hril tlang khat a kan len hun tur.
Ka mawl ka â, ri ve phawng e,
Kei ka nghah fak hril zel nange.

Thuril hla ril pau siam teh u
Ka nghak fan e..in biahhla di.

tawnmang chauh min tiamna

Ruala Cvl

tawnmang chauh min tiamna
a tak chang lo tur chu hringchan chhungin,
tawnmang min tiamna a lo ni.
Dawn sei reng hi a vai si!

Zingtian bawhar kha a lo pau leh a

Elti Muana

‎(Chham duhdah mai mai, hla tling lo hla, eng group-ah emaw chuan ka post tawh maithei)

Zingtian bawhar kha a lo pau leh a
Nia, chhaktiang lenkawl khi a lo eng leh a
Thlunglu herin ka zawng chi a

Ka tawng lo'ng che tih hai si loin.

Chhingmit hawnga ka zawn che avangin
I awm lohnaa ka zawn miau che avangin
Engtin nge ka tawn reng ang che ni?

Chhingmit kharin ka zawng leh ch e a
Ka tawng ta che, i laibu zawl - ka thinlungah hian
I lemthla ai pawha fiah zawkin.

Ka dawna, i mi tulh a nih loh chuan siktui a thiang zo tawh lo a
Ka faka, i mi barh a nih loh chuan chhun rawl pawh rawl a tling ta lo
Tuanzai ka rel a, i sulhnu lo reng ka tawng lo e

I suli hnu min chhiah zawng hian
'Mawi tin thang dang zawng pawh khuarei hma zawng an vul
Engah khuarel kaltluang zawh lo a 
Hmate'n kan chua bik ang?' an ti.

Thiam zir run bel a ni kan chhiar thin lai khan

Hlima Amah Hlima Ralte

Inzirnan tawite risk ve tawp teh ang...

Thiam zir run bel a ni kan chhiar thin lai khan
Ani tun hun tur dawn lo reng in
Sial ang kan in zui biahthu di hlan lo in

Tunah kumsul tam a liam hnu in
Leng dang tang bel a suihlung kan her hnu in
Min phuar khawm tu thuruk in thup khan
Par chhuan tumin kuhmum a rawn chhuah tak hi...

CHHIAHTE-A THAN HLA.

Lch Rokhum

Heiiiiiiiiiii rawwhhhhhhhh, kan Poetical Words neih sa ang hi ka hmang ve thiam chiam lova, tawng tluang hian ka ti ve nawk nawk zel, lo chhiar chhin teh u.

CHHIAHTE-A THAN HLA.
2/4/02
Vangkhawpui tual I fang vel a,

Mipui tiau zat I tawh hnuin;
Tlawmngaihna reng I hmu lova,
I zawt chiama I hriat chhun chu;
Mipuiah bawk a tawp si thin,
A thang na a I tawng si lo;
Nunmawi vawngtu an er rawn kha.

Lenrual zingah I zawt vel a,
I hriat zawng zawng I zawh hnuin;
Chawimawina reng I hmu lova,
I zawng chiama I hmuh chhun chu;
Lenrual zingah a tawp si thin,
An hre renga an sawi si lo;
Midang tana thawk thintu kha.

Zaleng tawn a’n I hril vel a,
A ropuina an hriat hnuin;
Ngaisangtu reng I hmu lova,
I kawm chianga an hril ber chu;
Zaleng tawn a’n a tawp si thin,
An nuihzata an tluk si lo;
Leng zawng tana hruaitu tling kha.

Ropuina hi ka pek nise,
Mahse-mahse,mahse-mahse;
An mit lehlam an meng si lo

Trhatna nei lo, rinna a mitdel.

Joseph Zojo Thangchhiah

Trhatna nei lo, rinna a mitdel.
Setana thang,at vanga dai per.
Mahni tawk a vanglai chen.
Buma awm th in hre lo hian.
Kawng kan bo triante nen.

Ka tlu lh fo,sualsa a piang.
Hlimna zawnga beidawng hnu
Kei hi ka ngai a che Chandamtu..
(ka 1 tih na a nia, min lo hretiam dawn nia.mIn endik sak turin ka ngen bawk a che u)

Chun chawiloh hrai iangin,

Pc Lalrinchhana

Chun chawiloh hrai iangin,
ka rawn tla lut e,tun min sel lo u,
hringnun tui hal dang hnawn turin

In a deepest dream

Zama Khiangte

Tlar riat chauh...ka ṭhianpa leh ka u Maskima hun lo tak a min boral san tan...kan risk ve chomps..nuih awih loh...

In a deepest dream, where roses died,
Nor will I wake to see it all.,
May would I pass the victorius passed
Am still thinking if I get it through"

Now that you're gone, but what is left,
The sunshine, the rainbow,all in theft.
Mocking, am still thinking,
Still you are here, within my heart

Val kan thiang(thriang) hellai run mawiin,

C Van Hmingtea

Val kan thiang(thriang) hellai run mawiin,
Maw ni hnawl val hnar a lian lua e, 
Chhingmit hawi lo, thlunglu a hai chiai e,
Ka hloh ka lungdi biah nem.....

....1992 vel a ngaihzawng neih lai hla...ka hre chhuak tawh lo a, a thunawn chauh ka la chiang.

RITLENG DARZAM

TC Lalrem Siama

Kal ta Buangi Sailo hriatreng nan:
RITLENG DARZAM

1. Thinlai lungkham thleng tak ang maw,
Thutin di sawi mah la e ngaihzual;

A tak sakruang i tang bei hma chuan,
Thamral biahthu, thamral biahthu chang leh thin.

Thunawn:
Aw ka va han ngai tak che em,
Lairil hmangaihna ka ngen che;
Biak leh ka nuam, engtin mi chhang ang maw,
Chhingmit mengmawi tha chungchuang.

2. Duhber e, chhingmit chem khan maw,
Min zai leh la thinlai min at nawn se;
Chantawk lungkham a kim zawk tur,
Chhaktiang Ainawn, chhaktiang Ainawn chuailopar.

3. Ritleng darzam palai ka rawn tir e,
Lungmuang loten pheilai rawn khawng la;
Lunglawmin ka lo hmuak che ka ngaihzual,
Hlimten kan run, hlimten kan runhliapah aw.

He hla "Ritleng Darzam" tih date 18.6.2012-a kal ta Buangi Sailo (Remsangpuii Nu) phuah a ni a, a phuah chhan ber chu a pasal a ni. Mahse he hla a phuah lai hian a pasal chuan a boralsan tawh a; chuti chung chuan a pasal a hmangaihna leh a ngaih em emna chuan a phuah chhuahtir ta a ni. A mitthla ramah a pasal nena an intawntirh lai hun te, a pasal nen an intawn tirh lai vela khual khuaah ve ve awm an nih dan te thlir kirin leh, a pasal dam lo Mumbai Tata Hospital-a a awm lai hun thleng te suanhgtuaha dawn khawlin, he hla lungrun tak mai hi a lo phuah ta a ni. Amah Padma Shree Buangi Sailo (L) min hrilh dan chuan, 'Ritleng Darzam' hi 'telephone' a sawina a ni bawk.

Buangi Sailo hian Mizo Lengzem hla a phuah nual a, Cable TV lamah te pawh zaithiam ten a hla phuah an sak kan hriain kan hmu thin awm e; a lengzem hla phuah te hi lungrun tak tak a niin nula tlangval inngaihna hla lunglenthlak tak tak te a ni hlawm a. Heng a hlaphuahte hi a lusun khawhar lungleng puak keh a nih thin avangin mi a deh leh fan dan hi a ril thin hle a; tunlai Mizo lengzem hla pawn lawi leh chhungril fan pha fa lua lo te ang hi a ni ve lo! Buangi Sailo lusunna hian Mizo thu leh hla a tihausa hle a, "Keini'n vanduainaah kan ruat, a hmangaihna lantirtu...," tih ang deuh kha a ni awm a sin!

Mahse kan mihrang kungpui miril Padma Shree Buangi Sailo chu a kal ta si!
Mizo, 'amah' chu i theihnghilh phal bik dawn em ni?!