TUIFINRIAT

Sangtea Renthlei
TUIFINRIAT

# A iang e Luipui ka hmangaihna parmawi chuan,
Far hnih-khatten tlin khawm zai an rel bultan a hnaran,
Luang zelin kawrte ruam zimte zawha kaiin luite,
Luipui pawha siamin sak zai a rel e.
** A iang e; ka thinlung rophum hmangaihna che,
Thinlai hmun zimte ve mai luah che;
Len zai i relta maw ka thinlung chhungah,
Hlim leh lawmin par ka chhuang i kiangah..
# Tlangdung thutphah thlura luang luipui,
Sakhmel ruangam thlak thin luipui;
Ni miau heke luipui thlak ngailo sakhming kohna.
**A ni; an sawi thumak leh thuro,
Famkim theilo mahse danglam ngailo;
Hliamchang awm thin thinlung hmangaihna.
# Nimahsela teh arala lian leh thui pawh nise,
Chawlhzai a rel thin a hmun tuifinriatah chuan e;
Thlamuangten kumtluang atan tiin.
**Ka lung D, nang hi i ni ka tuifinriat chu!
Kei mi tawmkailo leh tlinglo tak hian,
Ka nuam e i kianga hlimtaka len chu..
***Min pawmta che i ang chhungah,
Muangten kumtluang atan tiin;
Chatuan pialral kan thlen thlengin...