THINLUNG FAR CHHUAK

Jh Malsawmdawngliana Vala Mizo
THINLUNG FAR CHHUAK

Chhinlung naufa he leichinah,
Sakhming pawha ka koh phalloh ka hrai riangte,
Ka parmawi kung, i zun ngai hian,
Hnah chhawl iang ka lo uai si.

I zun zam leng vel hian maw,
An sawi zaman hmawng thing iang hian,
Tanglai pelin min phuar tlat a,
Ka hrai duat, ka ngaihlungrun,
I zun ngaiin chhawl ang ka lo uai e.

Mi zawng laiah i chung lur nem,
Ka chhuang em che, zep nak emaw,
Nang vang hian e he hringnun hi,
Ka thlahleh fo thin asin.

Hraichawi zingah i chunglur nem,
Ami laiah i sang ne maw,
Mahse maw, kei ka tan zawng,
I sang chuang e mi zawng laiah.

Sakruang hlimthla chauh mai maw,
He huna nang ka belhna che,
He lunglen, khawharna khuavel ah hian,
Mipa takin min hmuak nang che in chhuahtlang an..