MIN HRIATPUI THIN ASIN

ZH October Renthlei
MIN HRIATPUI THIN ASIN

He leiah hi chuan ui chung chungin ka thlah liam thin che a,
Kut pahniha hmai hupin i liam tur chu ka thlir fo thin asin!
Enteh maw, thimpui zinna tura khaw êng inngaitlâwm fo hi,
Suangtuahin hnu liam hnu min chhuitira, ka van ruai thin.

I phêna inphen tumin ka zawng chia, i hla si a,
Zan hrâm ri leh reh ri a ring fo, ka velah hian,
Hlauhna awrâwl a ring a, hnemtu a hnual zo a,
Duhtak, i kiang ka ngai vawng vawng thin.

Ngiata ngen chein, dilin thlir thin che mah ila,
Thlalêra au aw chauh hi ka tan hnemtu,
Chawi beng chhiin hlimthla nui ri ka ngaithla a,
I hming ka lam ri hi ka lungphu paw'n,

Min hriatpui thin asin.