LALPA I TELLO CHUAN

Khiangte LR Lra
LALPA I TELLO CHUAN

Ka nunna hian Lalpa nang ngaiin,
A rum vawng vawng thin, nang chauh ngaiin;
Hlimna ni reng reng hi a nei lo va,
I hmel eng ka hmuh hma loh chuan.

Chenna tlak a ni lo Lalpa i tello chuan, 
He khawvel hi lungngaihna leh tahna a tam si'
Intaina, indona, mahni hmasialna hmun a ni,
Chhuahsan hlan ka nghakhleh em mai, Lalpa.

Lalpa i hria e, kei chu misual ka ni a, 
Ka felna leh thatna chuan ka thleng zo law'ng'
I ram thianghlim leh mawi ropui chu,
I theisen zarah erawh ka ta van khi.