I TA KA NI ZEL ANG

ZH October Renthlei
I TA KA NI ZEL ANG

Min duh turin ka duh che a,
Min thlahleltu atan ka thlahlel che.

Min hmangaih turin ka hmangaih che a,
Min hrerengtu atan ka hrereng che.

Min ning lo turin ka ning lo che a,
Min vuan tlattu atan ka vuan tlat che.

Min thlah lo turin ka chelh che a,
Min chelh tlattu atan ka vuan tlat che.

Natna ramah pawh i nuih ka duh a,
Mittui aiah lawmna pâr ka hlan ang che.

Hei hi i tan ka tiam, khawthlang tuipui luan lêt hma loh chu,
Duhtak, chu thudik awm tha duh lo a thlendik hunah pawh,

I ta ka ni zel ang.