DI LENNA TLANG

Sangtea Renthlei
DI LENNA TLANG

A lang runtin tlarna a saw tlangah;
A tuam vel e an sawi romei chuan,
A paw riai ka Di lenna tlang ngei chu.

A chung vanan a zing chhum chhahten;
A iang e lasai; karan lang e vandumpawl chiangten;
A tlang mualtinte mawiten a thlur e,Tukram sam a hringno nghial e;
Ni maw sawmfang lawmrual thawmna,
Thlir ka ninglo lung min len ka Di lenna.

Duhai ka sam tuan vein ka Di parmawi kiangah,
Thlawhhma tuama hringnun chhiarin;
Nuihiaua fanghma mawng khawha zai vawrin,
Ka thinlung hmangaihna hlan chung zel chuan;
Hlim zai ka vawr nang e; a kiangah ngei chuan,
Ni e, chu aia damlai pialral awmin ka ringlo..

Nang ngaiin riangten ka kur diam diam;
Ka hlan nang che rinawmna thutiam,
Chhawn zai rella nang lunglen ka ngaihna che;
Tichuan damlai par ka chhuang nang e..

3.8.2012