CHAWNGVUNGI

Rohlu Zuala Renthlei

CHAWNGVUNGI

An sawi Zo lanu hmeltha sakhming thang chuang,

I sakhming mawi a thang hluan e Zo tlang sangah;

Val tin beng verh sakhming chu ‘Chawngvungi’, 

I run remna Pangzawl khaw sang i mawi zo ngei e.

Sakhming thang chuang thanghiana run i mawi laiin,

Val lunglian Sawngkhara vanneihna chhar bik chuan,

I dan rual loh Zawlaidi maw hrenthir iang a ban tak che,

I pamhmai kan ti Sawngkhar tawna khiang i awi mai hi.

Khiang i awi mah suihlung dam loh laiin e Chawngpui,

Fankhua lawia rihsang i kai pui tura’n maw,

Chunnu lungmawlin Darhuai kher a lo ngen le;

‘Chawngvung man tam sumhluan’ tiin tah zai lo sa e.

Theihzawng chang se han mawi leh la Zawl khaw phei duai,

Val rual zawngte’n kan chhai nang che nuihiauin,

Mahse tunah erawh Pangzawl khan thuam sang laiah,

Sakruang piallei daiah mahriakte’n maw i zal tak le.