I tan...

Valpuia Fapa Duat
I tan...

ka thinlunglung vangkhua leh chhingmit tual chaina,
Nun khuangchawina sakhmel ka lei chuailopui,
I par min thliah la, i tan ka par ang a,
Biahzai rimawi min hlân la,i tan ka zai náng e.

I thinlung kawngkhar mawi chu min hawn la,
I tan pialral ka hawn sak che ang a,
Min nghilhna hawilopar chu thliak suh la,
Kumtluang par thliakin i tan ka vul tir ang.

Chhingmit rimawi min bán la ànka ngaihnobei nen,
Chutin min chhém nàng che thinlung thlifimin.
Hmangaih lemlawì hâmin hmangaih min awi la,
Suangtuahna rimawi hlánin i tan ka thâm ang.

Par mawi zawng zawng lêra vul ka parmawitê...
Hlimna daihlim belin nun chhai dun ila,
Chawnbân vuana hmangaih hla mawi sa-in,
Hlimna nui ri nen hring i sual dun ang aw!