Ka thu ka hla, ka kam chhuak hi,

Elti Muana

Ka thu ka hla, ka kam chhuak hi,
Malsawm lo kam zawng chang lul lo se -

Hring chan thuam hlipa raui sumtual ka kai ni chuan,
Thuahthim khartung mi sawnpui hmain,
Hnam chem zumin ka chhingmit hi rawn kher chhuak la;
A chhunga thadangi hlimthla hian,
Dairial a chan mai loh na'n.

Ka thu ka hla, ka kam chhuak hi,
Vanduai thlentu kam zawng chang lul lo se -

Puini kaia zingphul tumkawng ka zawh ni chuan,
Lei dai khaukhurh chhunga mi thawlh hmain,
Hnamchem hriamin ka beng rawn hlep zet la;
A chhunga cham thadangi awrawl mawi hi,
Thama a ral mai loh na'n.

Ka thu ka hla, ka kam chhuak hian,
Khuanu lung tihnur lo hram se -

Hringkhua pela rihsang ka kai tikah,
Thuah-riat hnuaia chhiaha mi chhilh hmain,
Chemhnam chawiin kher chhuak nang che ka thin ka lung hi;
Chuailo parmawi thadangi khan,
A chatuan lalram a chan mai loh na'n.