Tiau vut chungah duhaisam

Elti Muana

(Champhai damdawi inpui nau neihna pindana ni thum lai kan lo awmpui (khawsakpui) tawhte chu zanin khan a naute an zai chhuak a. Mahse an vanduai a, an naute chu an chan hlauh mai. An nghahhlelh ve tehlul nen, ka lainat tak zet zet a ni.

Tiau vut chungah duhaisam run mawi ka din a,

'Tah chuan chawiin ka awi,

Keimaha awm keimah, hrin loh ka hrai dawntuai;

Duat te'n kuahin duh te'n tangah ka pawm,

Duh tin samin a tan tiamthu ka hlan -

Hringnun hian a zepui pawh min chhuahkhum se,

Ka bungdawntuai hi phenin ka hum zel ang - tiin.

Mahse maw, hringnun thlipui a lo hrang a,

Chantawka khuarel pal ang ka dang zo lo;

Vanduaina tuipuiin a chim pil ta, ka duhaisam run nuam!

Aw! Eng kan ti ta bik nge ni ang le?

Chhuak lo tur turnipui nghakin maw lenkawl kan lo thlir le?

HRINGNUN HI !!!!!

Vltochhawng Vena
HRINGNUN HI !!!!!

Chhui sela thiam tin fawm khawm in
Zawng sela mit tin thlir tir in
Ruam tin kawm zawng zawngin
Tlang tin chuan a thlir in.

An chhui phak maw hringnun makna
Hria awm tak maw hringun awmzia.

THIAN RINAWM

Jennifer Vetopi
THIAN RINAWM

Tihtur nei lovin ka awm a,
Tih loh tur lah ka nei hek lo.

Buaina nei lovin ka awm a,
Buai lohna chuan min tibuai a;
Khawhar takin ka awm a,
Tumah ka kâwm châk si lo.

Ka thian rinawm ka ngaihtuah a,
Ka ngaihtuahna chauh lo chu
Ka tana rinawm ka ngaihtuah chhuak zo lo.
Ani chuan heti hian min hrilh:-

“I phâk bâk aiin i ban phâk neih tum la,
I duh zâwk aiin i duh loh zâwk hi i tan a tha zâwk fo,
I duh tâwk loh hi i tan a tâwk chauh fo a;
I mamawh lo ni-a i hriat hi i mamawh a ni tih hria la,
I mamawh ni-a i hriat erawh i mamawh lo fo tih hre bawk ang che.

I nunah mi tupawh an luh theih nan inhawng la,
I nun tichhetu erawh paih chhuak hreh suh;
I hlim nan thian tam tak siam la,
I hlimna tak tak erawh nangmahah a awm tih theihnghilh suh.

Mite hnenah tunge i nih tih i inhriattir hmain,
Tunge i nih tih inzâwt fo la,
Mite hriat leh hmuh danah che tunge i nih tih inhrilh lo la;
I duh dan leh i duh ang chu i nih dan nihtirin,
Chu ngei chu mite hriat dan leh hmuh dan che nihtir ang che.

Ngaihtuahna hmang thei lo khawpa ngaihtuahna i hmanin,
Mangang suh;
Puitlinna kawng i zawh a ni tih hria la,
Hlim rawh.
Tihtur nei lo leh tih loh tur nei lova i awmin,
Malsawmna i dawng tih hria la;
Chhiar rawh.
Buaina nei lova i awmnain a tihbuai chein,
Hahdam la;
Buai suh.

Khawhar taka tûmah kâwm châk lova i awmin chi-ai lo la,
I thinlung chhûngrila awm;
I thian rinawm 'Nangmah' ngei chu kawm chîng rawh,”

tiin.

KA'N ZAI VE LAWKS

Nunmawia Fanai

KA'N ZAI VE LAWK

Khuangruah chiar nghian e, vangkhaw laiah,

A hrâng bung e, phezawr laitha zamin;

Awih ka thiam lo hril ka thiam lul lo,

A nghawr vel e, vangkhaw tual lai.

Theih chang lo maw! Biaksailovi rùn kai,

Ka nuam asin, dawhtling mawi dawm;

A kim dawn si, lunglawm zawng te,

Mahse, dangtu khuangruah a chiar nghian si!

LO NI LE!?

Hruaia Vandiau Tlanglau

LO NI LE!?

I tán engkim ka huam a,

I tán eng tham ka ti thei

si lo;

I tán eng pawh ka zuam

a,

I tán engmah ka ni thei

si lo.

I tán ka nui lui a,

Nangin min tuipui si lo

va.

Nang vâng ka ণap fo va,

Nangin min khap lo va.

I tel lovin ka kim thei lo

va,

I awm lovin ka hlim rei lo

va.

Keiin ngaiin ka duat che

a,

Nang chuan ngeiin min

huat phah a.

Hlim la ka duh a,

Hliamna min tuh a.

ণap chungin ka au che a,

Hlap pahin min hau a.

Ka nat, i tán nawmna,

Ka lungngaih, i tán

lâwmna,

Ka hliam, i tán hlimna

maw LO NI LE!? 

NAUPANG HRUAI BO, VANLALMAWII (Mawi Mawii)

Sangtea Leh Pek Renthlei

NAUPANG HRUAI BO, VANLALMAWII (Mawi Mawii) 

(Laldinpuii tia hriatin a rukbo mek pualin) 

Khuanu ka ngen khuangcherbo iang; 

Leng lung lian thinlung khawngaih thlak tawna'n, 

Chem-tuai lengtin khum tur sakhming mawi hluan Mawii; 

Khawi ram a tuanpui eng kan dawn phak lohin.

Lai chin lungduh phanga tlangpui an auh ruai tak;

Zawn zai an rel buh pawl kara hriau zawn iang,

Lungduh lenrual an tap amah ngaiin; 

Vai maw khawi sul ang an tuan dawnin. 

Keia beng chin a thlen zawngin chhuihthang val; 

Leng khawm hui latin thinlung a lo hliam der, 

Dawn nem an hril lam a lo let leh nan e; 

A sakruang himdam kan thlu khawi tuan mahse.

Hei kan ngen chung Khuanu hualhimna; 

Khawiah mual lian thangin vahpui mah se, 

Beisei kan thlah lo'ng chhermei chhiin; 

Zan thim kan dawn ne'maw 'Zonunmawina' chawi zain.'

ZIRTEI MANGPA

Masi Naupangsual Luhlul Chhakhhuak
ZIRTEI MANGPA
Zaleng zawng zingah hrillai ka bang dawnlo
Iang a mawi a awmlo khuavelah
Rimawi chhuahin kan lawm a bang dawnlo
Thinlai a hnehngei, kutchhuak zawng zing-ah

Enchimloh iang-in ka thlirning theilo
I mawingei thinlai hnemtu thaitial zing-ah

Mawiten vulzel la khuavel chhing-in
Annem zawngte khumtu annem ropui
Nghilh lo-in ka ngaihlu ang che ;hrin chhung-in

Pa zawngte tlukloh annem ropui
An sawi ropuina i khumzo ngei DITHLIFARFEM in.