ZAI KHAT ZAWM HI

 

Sta Chhakchhuak

  · 

ZAI KHAT ZAWM HI

Sta Chhakchhuak, 01,12, 2021.

( He poem hi peace and harmony tih thupui hmanga 'International poetry festival' Mipoty buatsaih puala ka phuah ve a ni. Kan tunlai boruak tawn hian rilru a ti thar hle mai.)

Û leh nau sa ang chhai a, inràl tawn a,

Tawngkam feikibar leh thinlung inchemhar tawn hi,

Siamtu min duan kalsiam a ni nem lé.

Khuavel eltiang sânga hnam din chhuah na'n,

Zai khat zawm a, hrui khat vawn hi than lai siamtu.

Vàn sâng siâr leh chhawrthlapuite'n

Lung hmun hun khat an châwiza a,

An ènna leh màwina kan temza.

An iang suihlung zai khata lêngzain

Hnam dang thlirah mawite'n i engza ang.

Kirsâng lênga vârtui khawh thlate leh,

Hawktui nû leh kawrte tui luangte'n,

Muang te'n an zawh tluang lam chhui zelin,

Luipui luang lai damte'n an finza a,

Finriat tuipui ropui siamtu an ni.

Zofa lêngte kan ṭuanna mual a dang,

Khuanu duanah sakhmel, kimtlâng a dang,

Airia, hleitling, pian ṭha, a ṭhen tawngchham,

Vun ngo, vun eng, ṭhenkhat ṭing iang kan ung.

Haulai, ngûrpui, riangkil dâr ang lêngin,

Lungril hran lo thinlung zai khat lengza ila,

Kan sakhming mawi khuafur tui ang lo luangza sê,

Hmangaih puan zàr lenbuang pâr ang vul zêl rawh se,

Suihlung ṭhen lo zâi khat zawm hi hnam din chhuahna.

See translation

View insights

144 post reach

All reactions:

3You and 2 others