Sakhmêl-zialbu leh lawkdaun
Dâr ang kan intawnna lamkawi,
A kawi silo boruaka lêng sakhmêl-zialbu,
Thaikawi biahthu hlan che ka nuam mang e;
Chung-mu-vanlai iang râl ata ka thlîr reng si!
Hawrrawp mu remna phêka'n biahthu rem tûr ka chhu,
A mu awmna hai si lo ka thinlung a hai,
Ka chhut chhuah sa nawhrehna mu in ka kliar leh thin;
Hmai chhan si loh i sakhmêl hmaah si hian,
Râl hmaa zâm ngai lo vâl hi ka zâm leh si!
Vai len hre pha lo zingah vairas a lêng,
'Lawkdaun' an ti rûn tin chhunga'n min khârkhip,
Sakhmêl tawnloh kâr hla di, aw sakhmêl-zialbuah ka rîm nâng che;
I rûn kai si lo i ânka nêm ka rawn ngai e,
Ka dâwnril fan zotu, i thinlai lungrûkah min 'lawkdaun' rawh!
-Faka Tlangte
No comments:
Post a Comment