Nipui hun nuam

 

Sta Chhakchhuak

  · 

Nipui hun nuam

Sta Chhakchhuak, 28022021

Vaû vanglai vul vâr chiai mual an màwi a,

Tuahpui pâr sen vul ten tluang an màwi e,

Sângthing zâr bàwm naubân an vul chiai a,

Khuarèl nipui chawitu khua duan an vul.

Nipui hun nuam awitu awmhar awitu,

Lelte lo kiu rel rel sângthing lerah

Tùrni hrâng vung hnuaiah hnah nêm par te,

Rimtui a zâm vel e lelthang zai nen.

Zotui thiang dam diaiin a luang dèl dèl,

Luang lai zulin chinrang lêng phar dèr dèr,

Léngngha lungmuang an léng lungrual tein,

Nipui hun nuam chènin tui an leng hmun.

See translation

All reactions:

1111