LAWHLENG- SIALI
Sulkhaw chhirchhan D bumawii,
Chhawrkang eng riai elpui var phiai;
Lawhleng-siali thlang thlehnem puan,
Lengdawntuaii kawksa dawn e.
Kep chhing chheng e awrh lai thin nen;
Kawileng chhai e Haulai-siali’n,
Chhantling vala’n biahmang hril e.
Zankhua tlaiin bawngva-lawhleng,
Hnimchiar hmundo zalam a tlawr;
Huleng vala’n sul a tum e,
Hertial rimawi ngalva zai sa.
Riangkil vala’n zai kip a chawi,
Phungleng-vala’n ruabang a kuai;
Pualleng-vala’n dawngrawl a hlan,
Tian dar khawng e baw-ar zaiin.
Riangvawn-vala’n sawngka chuanin,
Perhkhuang tingtang zai ri mawi nen;
Suihlunglenga zai tin vawrin,
Zantiang lunglen a hril vel e.
No comments:
Post a Comment