LALTHERI LEH CHALTHANGA...

 

Zira Chhakchhuak Hualngo

Admin

  ·   · 

(A film kan en a, ka'n thar thawh ve leh mai mai...)

LALTHERI LEH CHALTHANGA...

Ngurpui Savung fahrai chawi an,

Hrinhniang a piang, Sensiar;

Lalchawngpui an sa sakhming an,

Duatin hringnun a chhiar.

Chutin kumsul sal sawm lo vei,

Ngur chawiin di a tawng;

Mahse chungkhua tuah a sual ngei

Chun zua tawnah an hnawng.

Thangdang a dang tlangmit a veng,

Zawh loh zun ai a phur;

Lawhleng suihlung thlohmu a leng ,

Di ngai thinlai a hnur!

Chang-se lian iang hrualhrui an bun,

Riang hluan Chalthang vaih na'n;

Awi maw a dang, ngur leh riang nun,

Kha ang tuah khirh leng ta'n!

Sapui iang thlah liam ahnu hman,

Thangdang tan sar an zar;

Lalther thinlai khertu a tan,

Mau-rua'n thlunglu an tar!

Chawngpui tuara'n vanpui a chim,

Luaithli topui a sur;

Di zun belh a'n fam zun a chhim,

Chinphu sual iang a phur.

'Sailo ngurpui suihlung an mawl'.

Ro cherthil vang mai hian;

Hmangaihna Vanlal iang an hnawl,

Chawngpui tahna reng an.

Aw nun, aw hun, tahna hmun hlun,

Chhingmit kharlai meng la;

Thlir rawh hmangaihna eng zung chun,

Lei, pialral channa kha!

See translation

All reactions:

21You, LT Muana Sangsangi Pa, Pa Mârema Thâibâwih and 18 others