CHAWHMEH
Buaina harsatna kan tawh changin,
Thil tinreng hmehrua a to uchuak;
Loh theih lovin lei a ngai si a,
.
Vangkhaw dairawn chuktuah huana mi,
Khanghu phuihnam kan ei kawlh zo ta;
Saisu kung ding pawh kan ei tlu dawn,
Engtin khawsa zel ang i maw e.
.
Chawhmeh avang a to si tiin,
Fuhfang buhchiar ang mai kan phun chiar;
Hmeh tel lovin chaw ei a har si,
Lenrual ten eng nge in hmeh bik le?
.
Thlai hnah leh rah zung sa awm mah se,
Lei natur sum pai a awm si lo;
Hausa leh rethei inkar a dang,
Riangkil te'n mei alh kan en dawn e.
Ni.5.5.2020
No comments:
Post a Comment