Saturday 30 July 2016

LALTHERI LEH CHALTHANGA...

LALTHERI LEH CHALTHANGA...
(Lehpek em em anaaaaaaaa ;))
Ngurpui Savung fahrai chawi an,
Hrinhniang a piang, Sensiar;...
Lalchawngpui an sa sakhming an,
Duatin hringnun a chhiar.


Chutin kumsul sal sawm lo vei,
Ngur chawiin di a tawng;
Mahse chungkhua tuah a sual ngei
Chun zua tawnah an hnawng.

Thangdang a dang, tlangmit a veng,
Zawh loh zun ai a phur;
Lawhleng suihlung thlohmu a leng ,
Di ngai thinlai a hnur!

Chang-se lian iang hrualhrui an bun,
Riang hluan Chalthang vaih na'n;
Awi maw a dang, ngur leh riang nun,
Kha ang tuah khirh leng ta'n!

Sapui iang thlah liam ahnu hman,
Thangdang tan sár an zár;
Lalther thinlai khertu a tan,
Mau-rua'n thlunglu an tár!

Chawngpui tuara'n vanpui a chim,
Luaithli tropui a sur;
Di zun belh a'n fam zun a chhim,
Chinphu sual iang a phur.

'Sailo ngurpui suihlung an mawl'.
Ro cherthil vang mai hian;
Hmangaihna Vanlal iang an hnawl,
Chawngpui trahna reng an.

Aw nun, aw hun, trahna hmun hlun,
Chhingmit kharlai meng la;
Thlir rawh hmangaihna eng zung chhun,
Lei, pialral channa kha!


No comments:

Post a Comment