KA INZÂWT LEH THIN..

Lalthapuia Chinzah‎MIZO POETRY

KA INZÂWT LEH THIN..
Hringnun hi hriatna hian min hriatthiam loh tîrin hmuhna hian min
hmaih a, thinlung hian min tih leh si thin!....... ~~~~~~~~~~~~~~~~~~~

*Hlimna chuan min hual reng a, min
chênchilh bawk a; mahse thinrim leh
lungngaiin ka kûn leh si thin..

*Khawharna min bâwm lo ta se ka nun hi thlalêr iangin a ro dâwn si;
mahse, khawharna chuan lunglênna
kèng telin riangte'n min lêntîr leh si thîn!

*Khawvêl hi eng nge pe in ka hlui ang
a ka hnutchhiah ve ang aw ka ti thin;
pek tûr ka nei si lo. Mahse, kei eng ni
lo hi leilung hian min lo lâwm tho si!

*Thihna hi awm lovin fâm vângkhua
lâwi lo tûr ni ta i la.. nun hi a hlu in a
duhawm reng ang maw?Nuarin ninna
ânchhia ka chham mai lo'ng maw!

*Hmangaihna hi a awm nih si chuan
eng vângin nge mitinte hi huatna leh
sêlna a kan khah a, itsikna leh hmasialna kan lèn leh thin. Hmangaih na ai hian hringmite inkâr ah chuan
inngaihzawnna hi a thûk in a rîl fê
zâwk lo maw!?

A ni, ka hriat chu ka hmu thei thin si lo.Ka zawn chu ka nghilh leh si thîn!

Ka beisei chu a awm ngei tih hre si in
beisei bo in ka ngawi leh si.....!