INREM LO..
Tuidam leh Suar intawk a so nâ,
Meipui leh Siktui an lungrual lo:
Rairah leh hausa awmdun chu e,
Lianchhung a lo lian leh si thin e:
Fur leh thal iang then an lo nihin,
Rem lo hril nan Luaithli an tir e.
Meipui leh Siktui an lungrual lo:
Rairah leh hausa awmdun chu e,
Lianchhung a lo lian leh si thin e:
Fur leh thal iang then an lo nihin,
Rem lo hril nan Luaithli an tir e.
Lei leh Van chu e, karah thenna,
Turnipui sain van thiang se la:
Ruahmal tlain a dai turni sensa,
Van chhum ralin kal lai kan rel fo:
Chhum lo zinin a ngui hlimlaini,
Turni kan lawm e kawlên hril nan.
Turnipui sain van thiang se la:
Ruahmal tlain a dai turni sensa,
Van chhum ralin kal lai kan rel fo:
Chhum lo zinin a ngui hlimlaini,
Turni kan lawm e kawlên hril nan.
Hei vang a ka rumna piallei hi e,
Rem lo vanga tahni ka chhiarna:
Vuini chhiarin nitin khel si lo,
Hlimni chhaiin tuahrem ka dil a:
Rem lo na chu e vuihmui a lian,
Thinlai nâin sakhmel a ngui fo.
Rem lo vanga tahni ka chhiarna:
Vuini chhiarin nitin khel si lo,
Hlimni chhaiin tuahrem ka dil a:
Rem lo na chu e vuihmui a lian,
Thinlai nâin sakhmel a ngui fo.
Ka zir naa thiamin ka mawi lo,
Pawmin pawm lo mahi a tul fo:
Zirlai zauh a lo tul leh si maw,
Lungawia ka lo awm ve nan e:
Rem tur inrem he ka hringnunah,
Bela chhai ka rel teh mai nang e.
Pawmin pawm lo mahi a tul fo:
Zirlai zauh a lo tul leh si maw,
Lungawia ka lo awm ve nan e:
Rem tur inrem he ka hringnunah,
Bela chhai ka rel teh mai nang e.
No comments:
Post a Comment