A BÂNG NÈM MAW...
Khawharna thlipui hrâng vêlin,
Lunglênna thlifîm lêng mah se,
Beiseina zawng beidawng mah se;
Lungrûka'n i châm reng si thîn!
Lunglênna thlifîm lêng mah se,
Beiseina zawng beidawng mah se;
Lungrûka'n i châm reng si thîn!
Khuangruahsûr chuan bàn zâi rêlin;
Chhûn ni tlâi riang herchhuak mah se, Zân awmhar paw'n min rún mah se,
Tûrni êng chuan a mâwi si thin.
Chhûn ni tlâi riang herchhuak mah se, Zân awmhar paw'n min rún mah se,
Tûrni êng chuan a mâwi si thin.
Hringnun hlimna râwngte'n hlíamin,
Tah-nun buaina lo thîm mah se,
Leinun hian hlíng-nun iang mah se,
Rehin an thâm ral leh si thin.
Tah-nun buaina lo thîm mah se,
Leinun hian hlíng-nun iang mah se,
Rehin an thâm ral leh si thin.
Manganna chhûmpui chu chhah in,
Lungngaihna kawr chu thûk mah se;
Zûn zâm lêng chu ka tâwna'n e,
Kian rêl lo min zem leh si thîn.
Lungngaihna kawr chu thûk mah se;
Zûn zâm lêng chu ka tâwna'n e,
Kian rêl lo min zem leh si thîn.
Hmangaihna meuh pawh chau zo in,
Khawngaihna pawh luang ral mah se,
Chhûngril tuipuiah nang zawng e,
I luang del del reng zâwk a sin!
Khawngaihna pawh luang ral mah se,
Chhûngril tuipuiah nang zawng e,
I luang del del reng zâwk a sin!
No comments:
Post a Comment