Zei tina hrilh thin

Mary Winchester Zoluti‎

Zei tina hrilh thin ka lenrualten,
Thu leh hlain hrilh ve rawh min ti;
Hringnun chauhnain min hnuh laiin,
Sal tan puite tan tho rawh min ti.
Hnualten kan vak thin a,
Chauvin kan tlu thin a;
Thawh lehna kan zawng a,
Tanpuitu kan dap a.
Nunna hi tu min pek nge ni le?
Nunna nei turin duh kan thlang em?
Kan ta lo kan kawl em ni ang le?
A chunga thuneitu kan ni em?
Ka tisa ka chhat a,
Vaivutah a kir a;

Nunna chu a chhuak a,
A neitu a pan a.

Mi nung ka nihna thlarau ngei chuan,
Hrem turin ka tisa a pan lo;
Nunna, nunna, ka nunna ngei chuan,
Hrem turin ka tisa a pan lo.

Bei la, do la, tang rawh,
Hneh la, hneh la, hneh rawh;
Lungngaihna thunun la,
Natna chu hnuaichhiah la.