THO LA DING RAWH

Lian Thangpuia· 

THO LA DING RAWH

Han dawn ve teh lei hringnun hi,
Vawikhat atan vawikhat kan piang;
Khuanu ruat loh dan hringnun hi,
Hringfa lengte'n mahni'n kan siam.
Heti zawng hian lo dawn ve teh,
Suala kunte vanduaina chu;
Damlai la laa an tuar leh,
Chatuan atana hremna chu!

Tho la ding rawh aw ka hmangaih,
I thei, i thei, i thei chiang e;
Thim zingah khan awm ngai tawh suh,
I chenna tur a si love.
Hmangaihtu tan tan tuar reng i har,
I tello chuan nun reng a har;
I tana khuanu leh chun leh zua ruat
Sualin dim hauh lovin a suat!

I dawn lungruk fiah te'n ka hmu,
I tlawmmak leh i tlawmngaihna;
I chhungril chuan hnawl ve a duh;
Suala phuartu Setan sualna.
Buan la bei la do let zel la,
Huai takin puan ang hnawl rawh,
Mite mitmei en hauh lola;
Chak takin hmalam pan rawh.