TAWNMANG MÂWL CHANG THUAI SE..

Lalthapuia Chinzah‎MIZO POETRY

TAWNMANG MÂWL CHANG THUAI SE..
Nang ngâi rêng rênga hringnun hman,
Kei zawng ka zuam lo tuar a har;
I herchhuahpui hlimna kâra'n,
Ariang chan si hringnun khawhar.
Aw chhûn nî leh zânkhua reiin,
Ka tân tuar a har chuang ngei e;
I tâwna'n lung a zîng si thîn;
Duhlai duhawm dî pârmawite.
Kan kâr min dantu zawngte hi,
Min bawm ruai e zochhûm iangin;
Nêmte'n rêl mawlh tawh se kian zâi,
Tahlai ka bâng ve tawh tûra'n.
Tawnmang mâwl iang chang se langin,
Suihlunglên zâm ruai ruai hi maw;
Vângkhua hnim leh lairîl zîng thîn,
Kâwla'n herliam mawlh nâng che aw.
Tawn reng ka nuam thîn lungdumtu,
Thinlai ruk min hnêm bâng lotu.