THEIH NI SE

Thartei Jona Puia Siakeng 
31 August at 18:12
THEIH NI SE
Theih ni se,
In rùn peltu chhemdam thlifimte hian,
I rimtuina chhawlleng ka tan zuatin,
Ka dàwn ve theih nan kan rùn rawn thlen se.
Theih ni se,
Thinlai hnemtu rimawi hi lo chawl se,
I ànka mawi tak chauh dawng thei tur hian,
Duhsàm kim nan nang ka kiangah awm la.
Theih ni se,
Vansang chhumte'n ruah tan hmun kian a,
Malsawm ruah piallei tan a thlen ang hian,
I lairil ka tan chauh min kian ni la.
Theih ni se,
Khawharna zùn zamin phuar che ni se,
Thinlung hian a ro bawm hawng ni se la,
I kiangah muang takin awm ni ila.
Theih ni se,
Hlimna phul hring cham del hmunah chuan,
Van zawl mawitu zan Lalnu kiangah ngei,
I tang belin thu tin sam dun ila.
Theih ni se,
Hun hi kan thu ni se,
Biahthu tin hril turin,
Nang ka kiangah awm la.
Theih ni se la...............
May 20 · Thartei