RAUTHLÂ TALIN..

Ab Six August
31 August at 07:06
RAUTHLÂ TALIN..
Lunglai indi rem thei si lo,
Sakruang pawm lai rem si lo;
Dî a'n ka chhai a rem si lo,
Lairil pawmin min bân si lo;
Chuti'n ka vei lai chawl si lo,
Lunglai a zîng dî loh dî tâwnah.
Lairil a rem si loh chuan e lungrun,
Rauthlâ talin min dî ve la;
Zântiang laikhum min zâwm la,
Tawnmang dî tal rêl mai la;
Laitual lênin rawn tir la i rauthlâ,
Ramtuan ka relin chhêmdam thlî-ah.
Fam mah suh la di ka sûn che,
Rauthlâ iang ka au che thinlaiah;
Pialral kai lo zûn ka phur,
Hei hi maw an sawi riang chan?
Riakmaw valêng mah khûmin,
Ar ang vaihna rûn a zau thlâwn e.
Liankhuaah dî ngai ka lêng,
Dî-ah ka chhâl min dî si lo;
Rem se vaih hla ka hlân lo tur a,
Lunglai lunglohtui min dâwnsan;
Hawilopâr min thliah vâlnêma,
Pialral lova dî dang tâng bêlin.
Awi a nâ e fam hnu Thangzawr,
I sûlah valriang ka thâm vel e;
I ang dî zûn phur min hnêm la,
I ianga fam hnu Lalzova;
Min hnêmah rawn tir ta che,
Chuti'n lungruala kan dam nân.