NANG NGAIH

Thartei Jona Puia Siakeng
12 September at 18:25 · Edited
NANG NGAIH

Pawl kùt a her a,
Nau nawn an hlim a,
Pan lai ka hril a,
Nang ngaih a zual a.

Nau lem an awi a,
Khuarel a mawi a,
Vangkhua ka chuan a,
Nang ngaih a zual a.

Ramtuk an rel a,
Chapchar an thlir a,
Kut ni an sam a,
Nang ngaih a zual a.

Thlohpa a pau a,
Ramdai a màwi a,
Hlimthla ka thlir a ,
Nang ngaih a zual a.

Vau thla a her a,
Thing tin an vul a,
Liam hnu a thar a,
Nang ngaih a zual a.

Kut pui an chen a,
Rualzawng an kim a,
Vanglai ka dawn a,
Nang ngaih a zual a.

Tau thla a her a,
Rah tin an hmin a,
Va leng an lawm a,
Nang ngaih a zual a.

Kangvar an fang a,
Bukthlam an sa a,
Sulhlui ka hril a,
Nang ngaih a zual a.

Turni a mawi a,
Reh ri a ring a,
Rengchal an kiu a,
Nang ngaih a zual a.

Mir thla a her a,
Khuangruah a sùr a,
Hawktui a luang a,
Nang ngaih a zual a.

Van zawl a thiang a,
Romei a zam a,
Mual tin ka chuan a,
Nang ngaih a zual a.

Kir thla a her a,
Chiapcha an muang a,
Hnahnem an duah a,
Nang ngaih a zual a.

Rualzawng an hlim a,
Ngirtling an pau a,
Rimawi a chawi a,
Nang ngaih a zual a.

Zawn thla a her a,
Tlang tin a vul a,
Mual tin ka thlir a,
Nang ngaih a zual a.

Zing thla a her a,
Khuangruah a si a,
Sikni an nghak a,
Nang ngaih a zual a.

Berva an hram a,
Piallei an awi a,
Lengngha an muang a,
Nang ngaih a zual a.

Mim thla a her a,
Fam hnu an au a,
Sakhming a chul lova,
Nang ngaih a zual a.

Pheichheh a pelh a
Rauthla an keu a,
Kim lai an ngai a,
Nang ngaih a zual a.

Khuangchawi a her a,
Rual duh an lawm a,
Anka a thar a,
Nang ngaih a zual a.

Vanzawl a eng a,
Chawrthla an lawm a,
D hlui I thar a,
Nang ngaih a zual a.

Fur tui a hul a,
Boruak a thiang a,
Lalpian an nghak a,
Nang ngaih a zual a.

Sawmfàng a tlim a,
Namthlak an chuan a,
Lawm hla an rem a,
Nang ngaih a zual a.

Zing thla a her a,
Khuangruah a si a,
Sikni an nghak a,
Nang ngaih a zual a.

Berva an hram a,
Piallei an awi a,
Lengngha an muang a,
Nang ngaih a zual a.

Mim thla a her a,
Fam hnu an au a,
Sakhming an lam a,
Nang ngaih a zual a.

Pheichheh a pelh a
Rauthla an keu a,
Kim lai an ngai a,
Nang ngaih a zual a.

Lalpian a her a,
Pholeng a vul a,
Tiam thu a thar a,
Nang ngaih a zual a.

Lawm hla an rem a,
Beisei a rawih a,
Riang fa ka ngawi a,
Nang ngaih a zual a.

0120902014
Mi zawng zawng kawmthlang,
Ziah ve tawp .