MALSAWMNA INTHUP

Thartei Jona Puia Siakeng

3 September at 23:00

MALSAWMNA INTHUP

Vawi tam suangtuahna thlazarin duhthu ka sâm thin,
Chutin kawl êngte zawng paw'n hnung mi chhawn si;
Ka beiseina thamral fo mahse Lalpa ka lawm thin,
Duhsam tura duh famkim min pe lo hi.

Vawi tam malsawm dilin i hmaah ka lo kun thin,
Mahse dawhtheih zirin rei tak ka nghak si;
Malsawmna ka dil chu famkima min chhang lovin,
Tawngtai ka ban loh nan mamawh min pe si.

Lamtluang zâlah finthu chî-te tu-in ka chhiah thin,
Sirva lungmawl chhunrawl fak maiah maw ni;
Ka buhphal an tan hawpkhawp a tling awm lo asin,
Tlei khawp finthu chî tu tur zawk ka lo ni.

Ka chanpual leh hliamte chu ka no-ah a liam thin,
Tap hla riang hluan tlai khua ka varpui fo si;
Hringchan nun hlimna par tlem tê te-in ka tem
thin,
Nun khaw nuam châka hringnun chhiar nan lo ni.