LUAH LOH THINLUNG

Thartei Jona Puia Siakeng
27 August at 10:44
LUAH LOH THINLUNG
Amah avangin ka muang a,
Amah avangin ka hlim a,
Amah avangin ka lawm a,
Amah avangin ka nui thin,
Mahse
Amah avang vekin ka thlaphang,
Amah avang vekin ka lungngai a,
Amah avang bawkin ka lunghnur a,
Amah avang bawkin ka tap thin.
Mahse
A tellovin ka kim lova,
A awm lovin ka tlei lova,
A ngawih rengin ka buai a,
Min chhawn lohin ka vai thin.
Mahse
A hun vawngtu ka ni lova,
A lairil kawltu ka ni hek lo,
A lawmna thlentu ka ni lova,
A hlimna siamtu ka ni hek lo
Mahse
Ka duhsam chhanna kawltu a ni a,
Ka thinlung zawhna zawttu a ni.
Ka beisei loh lamtluang sialtu a ni a,
Ngawi reng a min tlawmtu a ni.
Ka tan a ni chu ka fan loh khawvel a ni a,
Chen ka duhna thinlung neitu a ni.