KA LENNA RAM..

Ab Six August
14 September at 00:18
KA LENNA RAM..
Kei ka lênna ram kan zoram,
Partin vulna ram kan tlângram;
Sêl mah se kan ram a mawi,
Hnawl mah se ka luah kan ram;
Ka chhuang zel dawn zoram,
Mim ang ka pianna hring dum dur.
Pi pu sahzau i hralh Lallian,
Eptu ramri hlau mah la ka ram;
I tlâwm duai duai i ram ngeiah,
Dan hrai chhuang si zawm si lo;
Chanhai hrem nan mai i chhuang,
Ram chhan nan i thup leh vei si.
Chengrâng lovah i lu an tan,
Hriain i do ngam lo kan ram tan;
'Ram ka hruai' tiin i vawk-lal-len,
Zah phur phu lo nang tenawm;
Zah vang hmai sen phû zâwk e,
Zak la bâng rawh ngûr lal suak.
Dârfêng rawn tir kan ramah,
Bûkthlâm an bei sawmfâng suatin;
Dotu ram mi i dang leh vei si,
'A hmun ka fang' te i tih vei râwl;
I dai bal mai thlawn em ni?
I chhîngmit a her sual lua e.
Zofa harh a hun ta ram tan,
Mupui siamin dorâl tâwn ang aw;
Chengrâng kau la râl hmâ-ah,
Hlau suh zoram i chhan dâwn e;
Thang leh thar tan ram siamin,
Khaw'nge dorâl i bei za ang u le.