KA DI..
Ka di Ainawn iang vul si e,
Iang zo che pârtin vul si lo;
Tlâng mah dang se min zêm,
tlângrel mah phur ila Mengmawi;
I sakhmêl dârzâm hmâ a'n,
Nau ang ka nui awm e di.
Iang zo che pârtin vul si lo;
Tlâng mah dang se min zêm,
tlângrel mah phur ila Mengmawi;
I sakhmêl dârzâm hmâ a'n,
Nau ang ka nui awm e di.
Min ko-na thu mawi 'Duat,'
Lairil min fan awi! Ka tuiral;
I lairil nge ânkâ mai ka di?
A pawi lo, ka dam i zûnah;
Nêm tea min hlan chhûng zawng,
I tân nau ang ka nui nang e.
Lairil min fan awi! Ka tuiral;
I lairil nge ânkâ mai ka di?
A pawi lo, ka dam i zûnah;
Nêm tea min hlan chhûng zawng,
I tân nau ang ka nui nang e.
Uai suh, hnahro iang uai suh,
Vul la, kumtluanga chuailopâr;
Seih la, duhlai ka tân mawi tein,
Bei la, bei hle hla la ka tângah;
Rêl la kan rûnah thai a'n,
Kumtluang ka thai a'n ngei di.
Vul la, kumtluanga chuailopâr;
Seih la, duhlai ka tân mawi tein,
Bei la, bei hle hla la ka tângah;
Rêl la kan rûnah thai a'n,
Kumtluang ka thai a'n ngei di.
Her suh lungrun vâldang hêlin,
Ka pêk liam an nei bil lo lairil;
Sumpai zawng a rei lo'ng e,
Sakhmêl pawh a zûr ngai e;
Thinlung erawh a nghing si lo,
Thlang la, vuan rawh ka thinlung.
Ka pêk liam an nei bil lo lairil;
Sumpai zawng a rei lo'ng e,
Sakhmêl pawh a zûr ngai e;
Thinlung erawh a nghing si lo,
Thlang la, vuan rawh ka thinlung.
Ka tiam i tân ring la ka di,
Ka huam i tân ka theihna;
Lawi la, riak la kan rûnah ngei,
Ka thai, ka thai ngei lo ni la;
I lairil, i lairil ngei kumtluangin,
Hei lo liam ka duh nem le ka di.
Ka huam i tân ka theihna;
Lawi la, riak la kan rûnah ngei,
Ka thai, ka thai ngei lo ni la;
I lairil, i lairil ngei kumtluangin,
Hei lo liam ka duh nem le ka di.
No comments:
Post a Comment