KA CHÛN NUNNÊMI.

Ab Six August

7 September at 06:35

KA CHÛN NUNNÊMI.

Sai ka sên lai min chawiliantu,
Ka chûn nunnêmi biahnêm chu;
Duat tein min ko 'Vâlte' tiin,
Ka tlûk phal lovin bânah min vuan;
Kal dan ka thiam nân min zirtir,
' Hraite kal chhet chhet' tiin.

Chûnnu ngêna ka tah ni chuan,
Ramtuan a tul ka chûn nunnêmi;
Hnûntui ngaia ka au râwl chuan,
Ramrehah a thinlai a nghîntir e;
A bengah ka râwl a châm reng si,
Luaithlî a nûl a hrai mi ngaiin.

Sikpui zân laikhum zâlin e,
Hîng rum rumin ka hnâwn silhpuan;
Ka chûn zai rêl thei lo chuan,
Zâl nân silhpuan thar min pe;
Hnûntui ngaia ka tah dâwn rengin,
Zânkhua a vâr leh mai thin.

Hai ang thanga rawllai kaiin,
Min ngaihsak ka chûnnêmi'n;
Ramtuan rêla rûn ka lawiin,
Sakruang bual nân tui min siam;
Ânnêm tea ânkâ min hlânin,
'Vâlte chawlh zai rêl ve rawh' tiin.

Zantiang laitual ka lên laiin,
Min ngaihtuah ka nat hlau rengin;
Ka kein sual lam a pan changin,
Tap chungin pa hnên min thlen;
Ka chûn lo chûn dang ka ngai lo,
Min ngaihsak fo ka Chûn Nunnêmi'n.