Lalruatkimi Kimtei Liannghawr
7 September at 20:23
HRINGNUN VÂNGLAI
Vangkhaw sumtual mawiin a her liai e,
An sawi thlâwinal fenfuali kha;
Sîr sawna lênlai chên vêl hianin,
Nuamtin chhiarin a fawr hem hem.
Eng dâwn lova sakruang nawmna ûmin,
Tisa châkna mamawh chhânna zawngin;
Daikil leh kâwmkâr hrût dun dunin,
Tluang lam zawhin mual tin a mawi vel e.
Rosum ai hlu zahawmna bosal zelin,
Intheh dere zelin vâl tin a pawm lâwr a;
A man ta natna hlauhawm AIDS chuan,
Luaithlinulin nunhlui chhuiin thlanthim a lawi dawn ta!
Dâwn chiang ve teh lânu tuaitir i vullaini,
Nawmna suakin i nun a suat hma hian;
Hringnun vullai khuanu duhaisamin,
Tluang dam diaiin chhiar nang che aw a tlai hma hian.
No comments:
Post a Comment