HRINGNUN PAR..

Ab Six August
27 August at 06:23
HRINGNUN PAR..
Hringnun pâr tlân vanglai chênin,
Siamtu duan bâk nawmsak ûmin;
Chawlh rêl lo kan nun kalsiam,
Chin lem nei lo kan her suau suau;
Nun tuihal chhâwk si lo hian maw,
Kan pan thlânthim sakruang zâlna.
Muangin lairil a nui zo nem le,
Thawhrimna thlan far a hul lo;
A par pawh luaithlî nen kan thlah,
Duhâm rah kan seng tak chu;
Kan hlawh miten min nuihsan,
Sakhmêl a uang zo mawlh si lo.
Duh dang kan hel khualianah,
Sum pai kan hlêp sumbâwmah;
Kalh nân a lian tha tha kan thlang,
Lairil a muang zo chuang lo ve;
Zânmû chhîng lo tlai kan vâr,
Lunglai a phâng âwl lo ve.
Hei hi maw kan tlan hringnun pâr?
Chawlhna awm lo hlim rêl si lo;
Fîma dâwn zai rêl chuang si lo,
Chuti'n nau ang tah chhiar nitin;
Harh hun mahin lung a mawl cheu,
Mawh tur hai lo a âng buan buan.
I hai rei lua i pâr tlan lai,
I zawh sual rei lua hringnun;
Duhâm hlemhlêt i dampui lo,
Fam i chanpui tur ûm rengin;
I neih lawmpui dan thiam zir la,
Chantâwk khuarel a tâwk fo si.