Maveni Atei Chawngthu
14 September at 19:57
CHÛN ROHLU
Mizo vâl a inchhâl e- zahráng vâl tiin,
Biahthu thlumtin nen a thiam ngei zai lêm,
Tuahthu tiamin lungmâwl lânû kha,
A zalpui leh thin laikhum thlehnêmah.
Sakhming a thang dawn e- lâ loh lêngi,
Zua chan zuam si lo zahráng val khan,
Zam rêla hnawlin a ril rah hrai riang kha,
Lawi tir tum ta e- vanvawm khua.
Khiangawi lo va chûn chan ana awm e,
Awihlai riangte kha a sakhming sâwn an ti,
Tlangsêl leh mualpho zawng tuar chungin,
I zuam bil lo'nge zua lo hraichawi.
Derthiam zuain a chawi ve lo zua chan,
Ngûr nun rêng chang chu vanpui chhîng vâl,
Chham si lo rosum nên thahnim lêngtin,
Hlimte'n ala lawi thin asin Biakrûnah.
Zalêng seltin phura chûn chan huam hi,
Zai kipa chawi tak che ka nuam mange,
I sakhming thang mahse khawlêngi tiin,
Ka thinlaiah zawng i lo ni e laiah chûn rohlu.
No comments:
Post a Comment