AW, BER THLA..

Ceea Chinzah LC

3 September at 21:54

AW, BER THLA..

Zaleng zawngte kan nghah hun aw hun duhawm,
Khel lo tein mawiten alo her
chhuak leh ta;
Lunglenna thlifim chhawm tel rengin,
Khawharna lungrun nuam a len tir del del.

Lanu val zawngte hlimzai an
vawr siau siau;
Nau ang nuiin len lai an chen vangkhua'n,
Chhailai lungdi belin hringnun am za e;
Vang thla an mâwi ngei thlir nin awm lo.

Lunglenna Vang thla dam diai aw;
Lungdamten ilo her lunglen ti zuala'n,
Khawharna tui min dáwn tir lunglaia'n;
Thinlai hnim riai in lung a dam si thin.

Zofa lengte nghah hlel hun en chim loh;
Mawite'n lo her chhuak thin mahla maw,
Ariang hian i zun zam réng hi tuar a har ka ti;
Liam lula'n erawh ka phal mawlh silo che..