ADAMA A DAM LO

Muana Chuhmang Mizo
28 August at 22:02
ADAMA A DAM LO
Sirvaleng lungmawl mah hian kawplai an di an then nuam lo ,
Kei paw’n pawmlai nuthai loa tual len zawng ka zuam bil lo.
“Enden bawhchhiat vanga kan hlawh anchhia chu Rih tlangpui khi,
Rih lipui pela leng lo fain pialral an kai ngai lo;
Hringmi chan tura Khuanu’n a lo ruat sa Rih tlangpui khi,
Vui leh vaih vanga hela pelh theih lah a chang na hek lo.
“Lungduhte puini kai ni hi an tan ni ropui a ni,
Suala bopil hnu an Lal hnena an chawlh hahdamna ni;
An lei hring thuam hlipa van thuama an inthuam ni a ni;
Ringtu tan chuan lungngaia indawm kun reng duh tur em ni?”
Runlum nuthai berin run chhung uapa a lum si loh chuan,
Chun sun hraileng an tap, zuau ngai lo zua hi a zua zo lo;
Hawilopar thliaka lunglohtui pawh la dawn ve lo tan chuan,
Hringkhuaa leng, hmatiang thlir Adama hi a dam mawlh lo.