ZO-AH ZO ZIA RENG A LANG TAWH LO.

Lalremsanga Khiangte Lra Khiangte

ZO-AH ZO ZIA RENG A LANG TAWH LO.

Zo-ah zo zia reng a lang tawh lo,

Zo inti siin thlang sappui nunin kan nung a,

Zo nun kal sanin Korian nun a par vul zo ta,

Zo-ah zo zia reng a lang tawh si lo.

Zoram lanu val rual zawngte u,

Dawn ve ula kan nun dan reng hi,

Zep nak a ni maw, thup reng a har si,

Zo-ah zo zia reng a lang tawh si lo.

Awi…kei zawng ka phal lul lo ve,

Zo nun mawi kan hnam pangpar mawi kha,

Puan ang a chul mai tur hi ka phal lo !

Zo-ah zo zia reng a lang tawh si lo.

Kan pi leh pu te’n min chhawm,

Nun dan mawi zawng zawngte kha,

Zamual liam mai turin i ui ve lo’m ni, 

Zo-ah zo zia reng a lang tawh si lo