SUANGTUAHNA.

Abrahama Aba
SUANGTUAHNA.

Hmuntin kiltin a hrût e,
Thlen loh ram reng nei lo chu;
Thil tha a dâwn kim ngei.
Vanduaina reng a tel ve lo,
Thil hlimawm leh nuam chu;
Suangtuahna chu a lo ni.

A cho bâk beisei a siam e,
A theih piahlam a duh tîr e;
A zawng ruai ruai châwl lovin.
Hah reng a dâwn nem le,
A hmâ thil mawi a thlîr si;
Tawng tak ang maw e?

A tâwp thleng thei si lo maw,
A duh tawng si lo chuan maw;
A chhiar nitin kumtin mai pawh.
Tawng lovin lamang lêt leh e,
Suangtuahna chu a suangtuah a;
Tawn loh hlimthlâ mai lo ni e.